gulab-e-surKH se aarasta dalan karna hai

gulāb-e-surḳh se ārāsta dālān karnā hai

phir ik shām-e-visāl-āñgī tujhe mehmān karnā hai

sivā tere har ik shai ko haTā denā hai manzar se

aur is ke ba.ad ḳhud ko be-sar-o-sāmān karnā hai

maiñ apnā dasht apne saath le kar ghar se niklā huuñ

fanā karnā hai ḳhud ko aur alal-ailān karnā hai

vafā ke goshvāre meñ mirā pahlā ḳhasāra tū

tire hī naam par darj āḳhirī nuqsān karnā hai

maiñ terī bārgah meñ naqd-e-jāñ tak nazr kar aayā

to kyā kuchh aur bhī mujh ko adā tāvān karnā hai

'hasan' ko bevafā kahne meñ dukh to hogā tujh ko bhī

magar ye kār-e-mushkil tū ne merī jaan karnā hai

gulab-e-surKH se aarasta dalan karna hai

phir ek sham-e-visal-angi tujhe mehman karna hai

siwa tere har ek shai ko haTa dena hai manzar se

aur is ke baad KHud ko be-sar-o-saman karna hai

main apna dasht apne sath le kar ghar se nikla hun

fana karna hai KHud ko aur alal-ailan karna hai

wafa ke goshware mein mera pahla KHasara tu

tere hi nam par darj aaKHiri nuqsan karna hai

main teri bargah mein naqd-e-jaan tak nazr kar aaya

to kya kuchh aur bhi mujh ko ada tawan karna hai

'hasan' ko bewafa kahne mein dukh to hoga tujh ko bhi

magar ye kar-e-mushkil tu ne meri jaan karna hai