aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hath aae to wahi daman-e-jaanan ho jae

Firaq Gorakhpuri

hath aae to wahi daman-e-jaanan ho jae

Firaq Gorakhpuri

MORE BYFiraq Gorakhpuri

    haath aa.e to vahī dāman-e-jānāñ ho jaa.e

    chhūT jaa.e to vahī apnā garebāñ ho jaa.e

    ishq ab bhī hai vo mahram-e-be-gāna-numā

    husn yuuñ laakh chhupe laakh numāyāñ ho jaa.e

    hosh-o-ġhaflat se bahut duur hai kaifiyyat-e-ishq

    us har be-ḳhabarī manzil-e-irfāñ ho jaa.e

    yaad aatī hai jab apnī to taḌap jaatā huuñ

    merī hastī tirā bhūlā havā paimāñ ho jaa.e

    aañkh vo hai jo tirī jalva-gah-e-nāz bane

    dil vahī hai jo sarāpā tirā armāñ ho jaa.e

    pāk-bāzān-e-mohabbat meñ jo bebākī hai

    husn gar us ko samajh le to pashemāñ ho jaa.e

    sahl ho kar hui dushvār mohabbat terī

    use mushkil jo banā leñ to kuchh āsāñ ho jaa.e

    ishq phir ishq hai jis ruup meñ jis bhes meñ ho

    ishrat-e-vasl bane ġham-e-hijrāñ ho jaa.e

    kuchh mudāvā bhī ho majrūh diloñ ai dost

    marham-e-zaḳhm tirā jaur-pashemāñ ho jaa.e

    ye bhī sach hai koī ulfat meñ pareshāñ kyuuñ ho

    ye bhī sach hai koī kyūñkar na pareshāñ ho jaa.e

    ishq ko arz-e-tamannā meñ bhī lākhoñ pas-o-pesh

    husn ke vāste inkār bhī āsāñ ho jaa.e

    jhilmilātī hai sar-e-bazm-e-jahāñ sham-e-ḳhudī

    jo ye bujh jaa.e charāġh-e-rah-e-irfāñ ho jaa.e

    sar-e-shorīda diyā dasht-o-bayābāñ bhī diye

    ye mirī ḳhūbī-e-qismat ki vo zindāñ ho jaa.e

    uqda-e-ishq ajab uqda-e-mohmal hai 'firāq'

    kabhī lā-hal kabhī mushkil kabhī āsāñ ho jaa.e

    hath aae to wahi daman-e-jaanan ho jae

    chhuT jae to wahi apna gareban ho jae

    ishq ab bhi hai wo mahram-e-be-gana-numa

    husn yun lakh chhupe lakh numayan ho jae

    hosh-o-ghaflat se bahut dur hai kaifiyyat-e-ishq

    us ki har be-KHabari manzil-e-irfan ho jae

    yaad aati hai jab apni to taDap jata hun

    meri hasti tera bhula hawa paiman ho jae

    aankh wo hai jo teri jalwa-gah-e-naz bane

    dil wahi hai jo sarapa tera arman ho jae

    pak-bazan-e-mohabbat mein jo bebaki hai

    husn gar us ko samajh le to pasheman ho jae

    sahl ho kar hui dushwar mohabbat teri

    use mushkil jo bana len to kuchh aasan ho jae

    ishq phir ishq hai jis rup mein jis bhes mein ho

    ishrat-e-wasl bane ya gham-e-hijran ho jae

    kuchh mudawa bhi ho majruh dilon ka ai dost

    marham-e-zaKHm tera jaur-pasheman ho jae

    ye bhi sach hai koi ulfat mein pareshan kyun ho

    ye bhi sach hai koi kyunkar na pareshan ho jae

    ishq ko arz-e-tamanna mein bhi lakhon pas-o-pesh

    husn ke waste inkar bhi aasan ho jae

    jhilmilati hai sar-e-bazm-e-jahan sham-e-KHudi

    jo ye bujh jae charagh-e-rah-e-irfan ho jae

    sar-e-shorida diya dasht-o-bayaban bhi diye

    ye meri KHubi-e-qismat ki wo zindan ho jae

    uqda-e-ishq ajab uqda-e-mohmal hai 'firaq'

    kabhi la-hal kabhi mushkil kabhi aasan ho jae

    RECITATIONS

    Khalid Mubashshir

    Khalid Mubashshir,

    Khalid Mubashshir

    hath aae to wahi daman-e-jaanan ho jae Khalid Mubashshir

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now