hai ibarat jo gham-e-dil se wo wahshat bhi na thi

hai ibārat jo ġham-e-dil se vo vahshat bhī na thī

sach hai shāyad ki hameñ us se mohabbat bhī na thī

zindagī aur pur-asrār huī jaatī hai

ishq kā saath na hotā to shikāyat bhī na thī

tujh se chhuT kar na kabhī pyaar kisī se karte

dil ke bahlāne kī lekin koī sūrat bhī na thī

ġhhor-añdheroñ meñ ḳhud apne ko sadā de lete

raah chalte hue logoñ meñ ye jur.at bhī na thī

zid meñ duniyā kī bahar-hāl milā karte the

varna ham donoñ meñ aisī koī ulfat bhī na thī

mar miTe log sar-e-rah-guzar-e-ishq 'fuzail'

apne hisse meñ ye chhoTī sī sa.ādat bhī na thī

hai ibarat jo gham-e-dil se wo wahshat bhi na thi

sach hai shayad ki hamein us se mohabbat bhi na thi

zindagi aur pur-asrar hui jati hai

ishq ka sath na hota to shikayat bhi na thi

tujh se chhuT kar na kabhi pyar kisi se karte

dil ke bahlane ki lekin koi surat bhi na thi

ghor-andheron mein KHud apne ko sada de lete

rah chalte hue logon mein ye jurat bhi na thi

zid mein duniya ki bahar-haal mila karte the

warna hum donon mein aisi koi ulfat bhi na thi

mar miTe log sar-e-rah-guzar-e-ishq 'fuzail'

apne hisse mein ye chhoTi si saadat bhi na thi