hum din ke payami hain magar kushta-e-shab hain

ham din ke payāmī haiñ magar kushta-e-shab haiñ

is haal meñ bhī raunaq-e-ālam kā sabab haiñ

zāhir meñ ham insān haiñ miTTī ke khilaune

bātin meñ magar tund anāsir kā ġhazab haiñ

haiñ halqa-e-zanjīr kā ham ḳhanda-e-jāved

zindāñ meñ basā.e hue ik shahr-e-tarab haiñ

chaTkī huī ye husn-e-gurezāñ kī kalī hai

yā shiddat-e-jazbāt se khulte hue lab haiñ

āġhosh meñ mahkoge dikhā.ī nahīñ doge

tum nik.hat-e-gulzār ho ham parda-e-shab haiñ

hum din ke payami hain magar kushta-e-shab hain

is haal mein bhi raunaq-e-alam ka sabab hain

zahir mein hum insan hain miTTi ke khilaune

baatin mein magar tund anasir ka ghazab hain

hain halqa-e-zanjir ka hum KHanda-e-jawed

zindan mein basae hue ek shahr-e-tarab hain

chaTki hui ye husn-e-gurezan ki kali hai

ya shiddat-e-jazbaat se khulte hue lab hain

aaghosh mein mahkoge dikhai nahin doge

tum nikhat-e-gulzar ho hum parda-e-shab hain