ham ne kuchh pañkh jo dālān meñ rakh chhoḌe haiñ
panchhī aa jā.eñge is dhyān meñ rakh chhoḌe haiñ
sar-bulandī ho ki ai rahguzar-e-dil ham ne
saare jhagḌe hī tirī shaan meñ rakh chhoḌe haiñ
aisā āshob-e-tavāzun thā ki patthar saare
kheñch kar palla-e-mīzān meñ rakh chhoḌe haiñ
sochtā huuñ ki vo īmān hī le aa.e kabhī
raḳhne kuchh aise bhī īmān meñ rakh chhoḌe haiñ
rakh liye rauzan-e-zindāñ pe parinde saare
jo na vaañ rakhne the dīvān meñ rakh chhoḌe haiñ
aise kuchh din bhī the jo ham se guzāre na ga.e
vāpsī ke kisī sāmān meñ rakh chhoḌe haiñ
aaj kā din hai kisī bād-e-hinā chalne kā din
aaj ke lamhe isī shaan meñ rakh chhoḌe haiñ
hum ne kuchh pankh jo dalan mein rakh chhoDe hain
panchhi aa jaenge is dhyan mein rakh chhoDe hain
sar-bulandi ho ki ai rahguzar-e-dil hum ne
sare jhagDe hi teri shan mein rakh chhoDe hain
aisa aashob-e-tawazun tha ki patthar sare
khench kar palla-e-mizan mein rakh chhoDe hain
sochta hun ki wo iman hi le aae kabhi
raKHne kuchh aise bhi iman mein rakh chhoDe hain
rakh liye rauzan-e-zindan pe parinde sare
jo na wan rakhne the diwan mein rakh chhoDe hain
aise kuchh din bhi the jo hum se guzare na gae
wapsi ke kisi saman mein rakh chhoDe hain
aaj ka din hai kisi baad-e-hina chalne ka din
aaj ke lamhe isi shan mein rakh chhoDe hain
Source:
Pakistani Adab (Pg. 337)
-
Author:
Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.