humne tanha-nashini KHaridi to hai raunaq o shorish-e-anjuman bech kar

Moghisuddin Fareedi

humne tanha-nashini KHaridi to hai raunaq o shorish-e-anjuman bech kar

Moghisuddin Fareedi

MORE BYMoghisuddin Fareedi

    ham ne tanhā-nashīnī ḳharīdī to hai raunaq o shorish-e-anjuman bech kar

    sham.a mehrāb-e-dil meñ jalā.ī to hai ārzūoñ apnī kafan bech kar

    mutma.in haiñ bahut aaj arbāb-e-fan apnā sarmāya-e-fikr-o-fan bech kar

    jaise ā.īna rakh de koī māh-vash halqa-e-zulf bāñkpan bech kar

    kho gayā dard hangāma-e-shahr meñ luT rahī hai dukān-e-matā-e-nazar

    ab bhī taufīq agar hai to ahl-e-junūñ baḌh ke le lo use jaan o tan bech kar

    rut badaltī rahī rañg uḌte rahe kam-nazar bāġhbāñ kam-nazar rahe

    ik ḳhayābāñ ko sairāb karte rahe ābrū-e-bahār-e-chaman bech kar

    hai 'farīdī' ajab rañg-e-bazm-e-jahāñ miT rahā hai yahāñ farq-e-sūd-o-ziyāñ

    nuur bhiik tāroñ se lene lagā āftāb apnī ik ik kiran bech kar

    hum ne tanha-nashini KHaridi to hai raunaq o shorish-e-anjuman bech kar

    shama mehrab-e-dil mein jalai to hai aarzuon ka apni kafan bech kar

    mutmain hain bahut aaj arbab-e-fan apna sarmaya-e-fikr-o-fan bech kar

    jaise aaina rakh de koi mah-wash halqa-e-zulf ka bankpan bech kar

    kho gaya dard hangama-e-shahr mein luT rahi hai dukan-e-mata-e-nazar

    ab bhi taufiq agar hai to ahl-e-junun baDh ke le lo use jaan o tan bech kar

    rut badalti rahi rang uDte rahe kam-nazar baghban kam-nazar hi rahe

    ek KHayaban ko sairab karte rahe aabru-e-bahaar-e-chaman bech kar

    hai 'faridi' ajab rang-e-bazm-e-jahan miT raha hai yahan farq-e-sud-o-ziyan

    nur ki bhik taron se lene laga aaftab apni ek ek kiran bech kar

    Source :
    • Book : Kufr-e-tamanna (Pg. 31)
    • Author : Mugheesuddeen Faeeidi
    • Publication : Maktaba Jamia LTD in Jamia Nagar, Delhi (1987)
    • Edition : 1987
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now