aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

humse kya KHak ke zarron hi se puchha hota

Anjum Azmi

humse kya KHak ke zarron hi se puchha hota

Anjum Azmi

MORE BYAnjum Azmi

    ham se kyā ḳhaak ke zarroñ se pūchhā hotā

    zindagī ek tamāshā hai to dekhā hotā

    dekhte gar hamīñ aalam ko ba-andāz-e-digar

    aur dasht-e-junūñ meñ dil-e-rusvā hotā

    kyā kiyā ahl-e-mohabbat ne magar tere liye

    ham ne ik sahn-e-chaman aur bhī DhūñDā hotā

    tum bhī hote mai-o-naġhma bhī dil-e-shaidā bhī

    aur aise meñ agar abr barastā hotā

    hans ke ik jaam pilātā koī dīvāne ko

    pyaar to hotā magar kaahe ko saudā hotā

    tazkire hote rahe chaak garebānoñ ke

    haañ tirī bazm-e-tarab meñ koī aisā hotā

    tishna-lab kaun hai go jaam na aayā ham tak

    daur ik aur chalā ḳhūn-e-jigar kyā hotā

    ḳhaak ne kitne bad-atvār kiye haiñ paidā

    ye na hote to usī ḳhaak se kyā kyā hotā

    is se milnā ġhazab ho gayā varna 'anjum'

    dar-ba-dar phirne jhagḌā bhī na uTThā hotā

    hum se kya KHak ke zarron hi se puchha hota

    zindagi ek tamasha hai to dekha hota

    dekhte gar hamin aalam ko ba-andaz-e-digar

    aur hi dasht-e-junun mein dil-e-ruswa hota

    kya kiya ahl-e-mohabbat ne magar tere liye

    hum ne ek sahn-e-chaman aur bhi DhunDa hota

    tum bhi hote mai-o-naghma bhi dil-e-shaida bhi

    aur aise mein agar abr barasta hota

    hans ke ek jam pilata koi diwane ko

    pyar to hota magar kahe ko sauda hota

    tazkire hote rahe chaak garebanon ke

    han teri bazm-e-tarab mein koi aisa hota

    tishna-lab kaun hai go jam na aaya hum tak

    daur ek aur chala KHun-e-jigar kya hota

    KHak ne kitne bad-atwar kiye hain paida

    ye na hote to usi KHak se kya kya hota

    is se milna hi ghazab ho gaya warna 'anjum'

    dar-ba-dar phirne ka jhagDa bhi na uTTha hota

    Source:

    Lahu Ke Charagh (Pg. 129)

    • Author: Anjum Azmi
      • Edition: 1961
      • Publisher: Karachi Art Academy, Karachi
      • Year of Publication: 1961
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now