har shaKHs pareshan hai ghabraya hua hai

Faisal Ajmi

har shaKHs pareshan hai ghabraya hua hai

Faisal Ajmi

MORE BY Faisal Ajmi

    har shaḳhs pareshān hai ghabrāyā huā hai

    mahtāb baḌī der se gahnāyā huā hai

    hai koī saḳhī is taraf dekhne vaalā

    ye haath baḌī der se phailāyā huā hai

    hissa hai kisī aur is kār-e-ziyāñ meñ

    sarmāya kisī aur lagvāyā huā hai

    sāñpoñ meñ asā pheñk ke ab mahv-e-duā huuñ

    mālūm hai dīmak ne use khāyā huā hai

    duniyā ke bujhāne se bujhī hai na bujhegī

    is aag ko taqdīr ne dahkāyā huā hai

    kyā dhuup hai jo abr ke siine se lagī hai

    sahrā bhī use dekh ke sharmāyā huā hai

    isrār na kar mere ḳharābe se chalā

    mujh par kisī aaseb dil aayā huā hai

    ḳhvāb-e-digar hai tirī tadfīn kahāñ ho

    dil meñ to kisī aur ko dafnāyā huā hai

    har shaKHs pareshan hai ghabraya hua hai

    mahtab baDi der se gahnaya hua hai

    hai koi saKHi is ki taraf dekhne wala

    ye hath baDi der se phailaya hua hai

    hissa hai kisi aur ka is kar-e-ziyan mein

    sarmaya kisi aur ka lagwaya hua hai

    sanpon mein asa phenk ke ab mahw-e-dua hun

    malum hai dimak ne use khaya hua hai

    duniya ke bujhane se bujhi hai na bujhegi

    is aag ko taqdir ne dahkaya hua hai

    kya dhup hai jo abr ke sine se lagi hai

    sahra bhi use dekh ke sharmaya hua hai

    israr na kar mere KHarabe se chala ja

    mujh par kisi aaseb ka dil aaya hua hai

    tu KHwab-e-digar hai teri tadfin kahan ho

    dil mein to kisi aur ko dafnaya hua hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY