harim-e-dil, ki sar-ba-sar jo raushni se bhar gaya

harīm-e-dil, ki sar-ba-sar jo raushnī se bhar gayā

kise ḳhabar, maiñ kin diyoñ kī raah se guzar gayā

ġhubār-e-shahr meñ use na DhūñD jo ḳhizāñ kī shab

havā kī raah se milā, havā kī raah par gayā

tire navāh meñ rahā magar miyān-e-dīn-o-dil

gajar bajā to jī uThā, sunī azaañ to mar gayā

safed pattharoñ ke ghar, gharoñ meñ tīrgī ke ġham

hazār ġham kā ek ye ki tū bhī be-ḳhabar gayā

nagar haiñ āftāb ke, barahana gumbadoñ ke sar

saroñ pe nuur ke kalas, maiñ nuur meñ utar gayā

harim-e-dil, ki sar-ba-sar jo raushni se bhar gaya

kise KHabar, main kin diyon ki rah se guzar gaya

ghubar-e-shahr mein use na DhunD jo KHizan ki shab

hawa ki rah se mila, hawa ki rah par gaya

tere nawah mein raha magar miyan-e-din-o-dil

gajar baja to ji uTha, suni azan to mar gaya

safed pattharon ke ghar, gharon mein tirgi ke gham

hazar gham ka ek ye ki tu bhi be-KHabar gaya

nagar hain aaftab ke, barahana gumbadon ke sar

saron pe nur ke kalas, main nur mein utar gaya