hota fankar-e-jadid aur na shaer hota

Haidar Ali Jafri

hota fankar-e-jadid aur na shaer hota

Haidar Ali Jafri

MORE BY Haidar Ali Jafri

    hotā fankār-e-jadīd aur na shā.er hotā

    laġhv be-bahr ḳhayālāt maz.har hotā

    aur baḌh jaatī jo ib.hām nudrat mujh meñ

    ahd-e-nau ke kisī firqe payambar hotā

    kuchh to miltā mujhe dushnām-tarāzī sahī

    ḳhuub hotā jo maiñ dushman ke barābar hotā

    kaahe ko dasht meñ chubhne ke liye rah jaatā

    phuul hotā kisī gulshan gul-e-tar hotā

    mujh pe bhī tesha-e-ulfat ināyat hotī

    kaash ke maiñ bhī kisī koh patthar hotā

    yuuñ tarāshe haiñ sanam kufr ke is duniyā ne

    but-shikan hotā jo is daur meñ 'āzar' hotā

    khīñch detā maiñ zamāne pe mohabbat ke nuqūsh

    mere qabze meñ agar ḳhāma-e-shahpar hotā

    apnī ḳhalīq mafhūm samajh paatā agar

    dā.era hotā jahāñ aur maiñ mehvar hotā

    log mujh ko bhī shahīd-e-ġham-e-daurāñ kahte

    neza-e-vaqt pe goyā jo mirā sar hotā

    dasht āb-o-havā ne diyā kāñToñ libās

    maiñ bahāroñ meñ jo paltā gul-e-ahmar hotā

    ḳhuun mazdūr miltā jo na ta.amīroñ meñ

    na havelī na mahal aur na koī ghar hotā

    tishna-lab koī bhī duniyā meñ nahīñ rah paatā

    merī ā.ankhoñ ke jo qabze meñ samundar hotā

    hota fankar-e-jadid aur na shaer hota

    laghw be-bahr KHayalat ka mazhar hota

    aur baDh jati jo ibham ki nudrat mujh mein

    ahd-e-nau ke kisi firqe ka payambar hota

    kuchh to milta mujhe dushnam-taraazi hi sahi

    KHub hota jo main dushman ke barabar hota

    kahe ko dasht mein chubhne ke liye rah jata

    phul hota kisi gulshan ka gul-e-tar hota

    mujh pe bhi tesha-e-ulfat ki inayat hoti

    kash ke main bhi kisi koh ka patthar hota

    yun tarashe hain sanam kufr ke is duniya ne

    but-shikan hota jo is daur mein 'azar' hota

    khinch deta main zamane pe mohabbat ke nuqush

    mere qabze mein agar KHama-e-shahpar hota

    apni KHaliq ka mafhum samajh pata agar

    daera hota jahan aur main mehwar hota

    log mujh ko bhi shahid-e-gham-e-dauran kahte

    neza-e-waqt pe goya jo mera sar hota

    dasht ki aab-o-hawa ne diya kanTon ka libas

    main bahaaron mein jo palta gul-e-ahmar hota

    KHun mazdur ka milta jo na tamiron mein

    na haweli na mahal aur na koi ghar hota

    tishna-lab koi bhi duniya mein nahin rah pata

    meri aaankhon ke jo qabze mein samundar hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY