hue hain ja ke aashiq ab to hum us shoKH chanchal ke
hue haiñ jā ke āshiq ab to ham us shoḳh chanchal ke
sitamgar be-muravvat be-vafā be-rahm achpal ke
ġhazāloñ ko tirī āñkheñ se kuchh nisbat nahīñ hargiz
ki ye aahū haiñ shahrī aur ve vahshī haiñ jañgal ke
giraftārī huī hai dil ko mere be-tarah is se
ki aa.e pech meñ kahte hī un kī zulf ke bal ke
ye daulat-mand agar shab ko nahīñ yaaro to phir kyā hai
ki haiñ ye chāñdnī rātoñ ko bhī muhtāj mish.al ke
tumhāre dard-e-sar se sandalī-rañgo agar jī duuñ
tū chhāpe qabr par denā mirī tum aa ke sandal ke
koī is ko kahe hai daam kui zanjīr kui sumbul
hazāroñ naam haiñ kāfir tirī zulf-e-musalsal ke
bayābāñ ban hameñ ulfat nahīñ hai shahr se hargiz
tarah majnūñ ke 'tābāñ' ham to dīvāne haiñ jañgal ke
hue hain ja ke aashiq ab to hum us shoKH chanchal ke
sitamgar be-murawwat be-wafa be-rahm achpal ke
ghazalon ko teri aankhen se kuchh nisbat nahin hargiz
ki ye aahu hain shahri aur we wahshi hain jangal ke
giraftari hui hai dil ko mere be-tarah is se
ki aae pech mein kahte hi un ki zulf ke bal ke
ye daulat-mand agar shab ko nahin yaro to phir kya hai
ki hain ye chandni raaton ko bhi muhtaj mishal ke
tumhaare dard-e-sar se sandali-rango agar ji dun
tu chhape qabr par dena meri tum aa ke sandal ke
koi is ko kahe hai dam kui zanjir kui sumbul
hazaron nam hain kafir teri zulf-e-musalsal ke
bayaban ban hamein ulfat nahin hai shahr se hargiz
tarah majnun ke 'taban' hum to diwane hain jangal ke
Source:
Deewan-e-Taban Rekhta Website) (Pg. 151)
-
- Edition: 1935
- Publisher: Anjuman Taraqqi Urdu (Hind), Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
