is ibtida ki saliqe se intiha karte

Anwar Masood

is ibtida ki saliqe se intiha karte

Anwar Masood

MORE BYAnwar Masood

    is ibtidā salīqe se intihā karte

    vo ek baar mile the to phir milā karte

    kivāḌ garche muqaffal the us havelī ke

    magar faqīr guzarte rahe sadā karte

    hameñ qarīna-e-ranjish kahāñ mayassar hai

    ham apne bas meñ jo hote tirā gilā karte

    tirī jafā falak se na tazkira chheḌā

    hunar baat kisī kam-hunar se kyā karte

    tujhe nahīñ hai abhī fursat-e-karam na sahī

    thake nahīñ haiñ mire haath bhī duā karte

    unheñ shikāyat-e-be-rabtī-e-suḳhan thī magar

    jhijak rahā thā maiñ iz.hār-e-mudda.ā karte

    chiqeñ girī thiiñ darīchoñ pe chaar 'anvar'

    nazar jhukā ke na chalte to aur kyā karte

    is ibtida ki saliqe se intiha karte

    wo ek bar mile the to phir mila karte

    kiwaD garche muqaffal the us haweli ke

    magar faqir guzarte rahe sada karte

    hamein qarina-e-ranjish kahan mayassar hai

    hum apne bas mein jo hote tera gila karte

    teri jafa ka falak se na tazkira chheDa

    hunar ki baat kisi kam-hunar se kya karte

    tujhe nahin hai abhi fursat-e-karam na sahi

    thake nahin hain mere hath bhi dua karte

    unhen shikayat-e-be-rabti-e-suKHan thi magar

    jhijak raha tha main izhaar-e-muddaa karte

    chiqen giri thin darichon pe chaar su 'anwar'

    nazar jhuka ke na chalte to aur kya karte

    Source
    • Book : ik daraicha ik chirag (Pg. 70)
    • Author : ANWAR MASOOD
    • Publication : Dost Publications (2008)
    • Edition : 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY