ishaaraton ki wo sharhen wo tajziya bhi gaya

Anwar Masood

ishaaraton ki wo sharhen wo tajziya bhi gaya

Anwar Masood

MORE BYAnwar Masood

    ishāratoñ vo sharheñ vo tajziya bhī gayā

    jo gird-e-matn banā thā vo hāshiya bhī gayā

    vo dil-rubā se jo sapne the le uḌiiñ nīndeñ

    dhanak-nagar se vo dhundlā rābta bhī gayā

    ajiib lutf thā nādāniyoñ ke aalam meñ

    samajh meñ aa.iiñ to bātoñ vo maza bhī gayā

    hameñ bhī banñe sañvarne dhyān rahtā thā

    vo ek shaḳhs ki thā ek ā.īna bhii, gayā

    baḌā sukūn milā aaj us ke milne se

    chalo ye dil se tavaqqo.a vasvasa bhī gayā

    guloñ ko dekh ke ab raakh yaad aatī hai

    ḳhayāl vo suhānā talāzima bhī gayā

    musāfirat pe maiñ teshe ke sañg niklā thā

    jidhar gayā huuñ mire saath rāsta bhī gayā

    hameñ to ek nazar nashr kar ga.ī 'anvar'

    hamāre haath se dil musavvada bhī gayā

    ishaaraton ki wo sharhen wo tajziya bhi gaya

    jo gird-e-matn bana tha wo hashiya bhi gaya

    wo dil-ruba se jo sapne the le uDin ninden

    dhanak-nagar se wo dhundla sa rabta bhi gaya

    ajib lutf tha nadaniyon ke aalam mein

    samajh mein aain to baaton ka wo maza bhi gaya

    hamein bhi banne sanwarne ka dhyan rahta tha

    wo ek shaKHs ki tha ek aaina bhi, gaya

    baDa sukun mila aaj us ke milne se

    chalo ye dil se tawaqqoa ka waswasa bhi gaya

    gulon ko dekh ke ab rakh yaad aati hai

    KHayal ka wo suhana talazima bhi gaya

    musafirat pe main teshe ke sang nikla tha

    jidhar gaya hun mere sath rasta bhi gaya

    hamein to ek nazar nashr kar gai 'anwar'

    hamare hath se dil ka musawwada bhi gaya

    Source :
    • Book : funoon-volume-21 (Pg. 339)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY