ishq-e-dahan mein guzri hai kya kuchh na puchhiye

Agha Hajju Sharaf

ishq-e-dahan mein guzri hai kya kuchh na puchhiye

Agha Hajju Sharaf

MORE BYAgha Hajju Sharaf

    ishq-e-dahan meñ guzrī hai kyā kuchh na pūchhiye

    nāguftanī hai haal mirā kuchh na pūchhiye

    kyā dard-e-ishq hai mazā kuchh na pūchhiye

    kahtā hai dil kisī se davā kuchh na pūchhiye

    mahshar ke daġhdaġhe maiñ ahvāl kyā kahūñ

    hañgāma jo huā so huā kuchh na pūchhiye

    jab pūchhiye to pūchhiye kyā guzrī ishq meñ

    ham se to aur us ke sivā kuchh na pūchhiye

    kyā kyā ye sabz baaġh dikhātī hai naza.a meñ

    dam de rahī hai jo jo qazā kuchh na pūchhiye

    pūchhā jo ham ne gor-e-ġharībāñ ke haal

    aa.ī ye turbatoñ se sadā kuchh na pūchhiye

    qismat se pā.iye jo kabhī us ko ḳhush-mizāj

    kyā kuchh na kahiye yaar se kyā kuchh na pūchhiye

    ragḌī haiñ eḌiyāñ to huī hai ye mustajāb

    kis ājizī se hai duā kuchh na pūchhiye

    chhoḌā jo murda jaan ke sayyād ne mujhe

    kyūñkar uḌā maiñ ho ke rihā kuchh na pūchhiye

    tarsā kiyā maiñ daulat-e-dīdār ke liye

    qismat ne jo sulūk kiyā kuchh na pūchhiye

    ulfat naam le ke nazar-band ho ga.e

    paa.ī jo pyaar kar ke sazā kuchh na pūchhiye

    kyā sarguzisht gor-e-ġharībāñ maiñ kahūñ

    ahvāl-e-bandagān-e-ḳhudā kuchh na pūchhiye

    ḳhushbū ne aap jo sar-afrāz use kiyā

    kis naaz se chalī hai sabā kuchh na pūchhiye

    pūchhā 'sharaf' ke marne un se jo vāqi.a

    āñkhoñ meñ ashk bhar ke kahā kuchh na pūchhiye

    ishq-e-dahan mein guzri hai kya kuchh na puchhiye

    naguftani hai haal mera kuchh na puchhiye

    kya dard-e-ishq ka hai maza kuchh na puchhiye

    kahta hai dil kisi se dawa kuchh na puchhiye

    mahshar ke daghdaghe ka main ahwal kya kahun

    hangama jo hua so hua kuchh na puchhiye

    jab puchhiye to puchhiye kya guzri ishq mein

    hum se to aur us ke siwa kuchh na puchhiye

    kya kya ye sabz bagh dikhati hai naza mein

    dam de rahi hai jo jo qaza kuchh na puchhiye

    puchha jo hum ne gor-e-ghariban ka ja ke haal

    aai ye turbaton se sada kuchh na puchhiye

    qismat se paiye jo kabhi us ko KHush-mizaj

    kya kuchh na kahiye yar se kya kuchh na puchhiye

    ragDi hain eDiyan to hui hai ye mustajab

    kis aajizi se ki hai dua kuchh na puchhiye

    chhoDa jo murda jaan ke sayyaad ne mujhe

    kyunkar uDa main ho ke riha kuchh na puchhiye

    tarsa kiya main daulat-e-didar ke liye

    qismat ne jo suluk kiya kuchh na puchhiye

    ulfat ka nam le ke nazar-band ho gae

    pai jo pyar kar ke saza kuchh na puchhiye

    kya sarguzisht gor-e-ghariban ki main kahun

    ahwal-e-bandagan-e-KHuda kuchh na puchhiye

    KHushbu ne aap ki jo sar-afraaz use kiya

    kis naz se chali hai saba kuchh na puchhiye

    puchha 'sharaf' ke marne ka un se jo waqia

    aankhon mein ashk bhar ke kaha kuchh na puchhiye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY