izn-e-KHiram lete hue aasman se hum

Asrarul Haq Majaz

izn-e-KHiram lete hue aasman se hum

Asrarul Haq Majaz

MORE BY Asrarul Haq Majaz

    izn-e-ḳhirām lete hue āsmāñ se ham

    haT kar chale haiñ rahguzar-e-kārvāñ se ham

    kyā pūchhte ho jhūmte aa.e kahāñ se ham

    kar uThe haiñ ḳhum-kada-e-āsmāñ se ham

    kyūñkar huā hai faash zamāne pe kyā kaheñ

    vo rāz-e-dil jo kah na sake rāz-dāñ se ham

    hamdam yahī hai rahguzar-e-yār-e-ḳhush-ḳhirām

    guzre haiñ laakh baar isī kahkashāñ se ham

    kyā kyā huā hai ham se junūñ meñ na pūchhiye

    uljhe kabhī zamīñ se kabhī āsmāñ se ham

    har nargis-e-jamīl ne maḳhmūr kar diyā

    kar uThe sharāb har ik bostāñ se ham

    Thukrā diye haiñ aql o ḳhirad ke sanam-kade

    ghabrā chuke the kashmakash-e-imtihāñ se ham

    dekheñge ham bhī kaun hai sajda tarāz-e-shauq

    le sar uThā rahe haiñ tire āstāñ se ham

    baḳhshī haiñ ham ko ishq ne vo jur.ateñ 'majāz'

    Darte nahīñ siyāsat-e-ahl-e-jahāñ se ham

    izn-e-KHiram lete hue aasman se hum

    haT kar chale hain rahguzar-e-karwan se hum

    kya puchhte ho jhumte aae kahan se hum

    pi kar uThe hain KHum-kada-e-asman se hum

    kyunkar hua hai fash zamane pe kya kahen

    wo raaz-e-dil jo kah na sake raaz-dan se hum

    hamdam yahi hai rahguzar-e-yar-e-KHush-KHiram

    guzre hain lakh bar isi kahkashan se hum

    kya kya hua hai hum se junun mein na puchhiye

    uljhe kabhi zamin se kabhi aasman se hum

    har nargis-e-jamil ne maKHmur kar diya

    pi kar uThe sharab har ek bostan se hum

    Thukra diye hain aql o KHirad ke sanam-kade

    ghabra chuke the kashmakash-e-imtihan se hum

    dekhenge hum bhi kaun hai sajda taraaz-e-shauq

    le sar uTha rahe hain tere aastan se hum

    baKHshi hain hum ko ishq ne wo juraten 'majaz'

    Darte nahin siyasat-e-ahl-e-jahan se hum

    Videos
    This video is playing from YouTube

    Videos
    This video is playing from YouTube

    Urdu Studio

    Urdu Studio

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY