jag ke mere sath samundar raaten karta hai
jaag ke mere saath samundar rāteñ kartā hai
jab sab log chale jaa.eñ to bāteñ kartā hai
shaam ko der se pahuñchūñ to lagtā hai ḳhafā mujh se
mujh se bahut barham ho aisī ghāteñ kartā hai
mere sivā shāyad us kā bhī koī dost nahīñ
merī apnī jaane kyā kyā bāteñ kartā hai
dil ġham se bojhal ho to dekho phir chheḌeñ us kī
chhīñTe muñh pe maar ke kyā barsāteñ kartā hai
aur bhī gahrī ho jaatī hai us kī sargoshī
mujh se kisī kī āñkhoñ kī jab bāteñ kartā hai
mujh ko motiyoñ se kyā lenā 'zeb' samundar bhī
jaane kyā mire ashkoñ kī sauġhāteñ kartā hai
jag ke mere sath samundar raaten karta hai
jab sab log chale jaen to baaten karta hai
sham ko der se pahunchun to lagta hai KHafa mujh se
mujh se bahut barham ho aisi ghaten karta hai
mere siwa shayad us ka bhi koi dost nahin
meri apni jaane kya kya baaten karta hai
dil gham se bojhal ho to dekho phir chheDen us ki
chhinTe munh pe mar ke kya barsaten karta hai
aur bhi gahri ho jati hai us ki sargoshi
mujh se kisi ki aankhon ki jab baaten karta hai
mujh ko motiyon se kya lena 'zeb' samundar bhi
jaane kya mere ashkon ki saughaten karta hai
Source:
zartaab (Pg. 89)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
