jaan kar kahta hai humse apne jaane ki KHabar

Hasrat Azimabadi

jaan kar kahta hai humse apne jaane ki KHabar

Hasrat Azimabadi

MORE BYHasrat Azimabadi

    jaan kar kahtā hai ham se apne jaane ḳhabar

    Dubā detī hai merā ye bahāne ḳhabar

    is chaman meñ kaun hai dil-soz apnā tujh sivā

    rakhiyo Tuk ai barq mere āshiyāne ḳhabar

    pūchhtā niiñ apne kūche meñ merā haal haa.e

    le thī lailā dasht meñ apne divāne ḳhabar

    haiñ qafas meñ jab se ham us sañg-dil sayyād ke

    ashk letā hai merā āb-o-dāne ḳhabar

    ham na jāneñ kis taraf ka.aba hai aur kīdhar hai dair

    ek rahtī hai yahī us dar pe jaane ḳhabar

    har gul-e-dāġh-e-junūñ par aur hai kuchh āb-o-rañg

    pher hai gulshan meñ goyā gul ke aane ḳhabar

    aaj siine meñ mire dil hai nipaT be-qarār

    de hai 'hasrat' ġhair ke ghar us ke jaane ḳhabar

    jaan kar kahta hai hum se apne jaane ki KHabar

    ji Duba deti hai mera ye bahane ki KHabar

    is chaman mein kaun hai dil-soz apna tujh siwa

    rakhiyo Tuk ai barq mere aashiyane ki KHabar

    puchhta nin apne kuche mein tu mera haal hae

    le thi laila dasht mein apne diwane ki KHabar

    hain qafas mein jab se hum us sang-dil sayyaad ke

    ashk hi leta hai mera aab-o-dane ki KHabar

    hum na jaanen kis taraf kaba hai aur kidhar hai dair

    ek rahti hai yahi us dar pe jaane ki KHabar

    har gul-e-dagh-e-junun par aur hai kuchh aab-o-rang

    pher hai gulshan mein goya gul ke aane ki KHabar

    aaj sine mein mere dil hai nipaT hi be-qarar

    de hai 'hasrat' ghair ke ghar us ke jaane ki KHabar

    Source :
    • Deewan-e-Hasrat Azeemabadi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY