jab aaftab na nikla to raushni ke liye

jab āftāb na niklā to raushnī ke liye

jalā ke ham ne parinde fazā meñ chhoḌ diye

tamām umr rahīñ zer-e-lab mulāqāteñ

na us ne baat baḌhā.ī na ham ne hoñT siye

supurdagī kā vo lamha kabhī nahīñ guzrā

hazār baar mare ham hazār baar jiye

hazār baar vo aayā bhī aur chalā bhī gayā

ik umr biit ga.ī us kā e'tibār kiye

ḳhabar nahīñ ki ḳhalā kis jagah pe ho maujūd

zamīn par bhī qadam phūñk phūñk kar rakhiye

safar bhī duur kā hai aur kahīñ nahīñ jaanā

ab ibtidā ise kahiye ki intihā kahiye

havā uThā na sakī bojh abr kā 'shahzād'

zamīñ ke ashk bhī āḳhir samundaroñ ne piye

jab aaftab na nikla to raushni ke liye

jala ke hum ne parinde faza mein chhoD diye

tamam umr rahin zer-e-lab mulaqaten

na us ne baat baDhai na hum ne honT siye

supurdagi ka wo lamha kabhi nahin guzra

hazar bar mare hum hazar bar jiye

hazar bar wo aaya bhi aur chala bhi gaya

ek umr bit gai us ka e'tibar kiye

KHabar nahin ki KHala kis jagah pe ho maujud

zamin par bhi qadam phunk phunk kar rakhiye

safar bhi dur ka hai aur kahin nahin jaana

ab ibtida ise kahiye ki intiha kahiye

hawa uTha na saki bojh abr ka 'shahzad'

zamin ke ashk bhi aaKHir samundaron ne piye