jab bhi aata hai wo mere dhyan mein

Jazib Quraishi

jab bhi aata hai wo mere dhyan mein

Jazib Quraishi

MORE BY Jazib Quraishi

    jab bhī aatā hai vo mere dhyān meñ

    phuul rakh jaatā hai roshan-dān meñ

    ghar ke bām-o-dar na.e lagne lage

    husn aisā thā mire mehmān meñ

    terā chehra aa.ine ke sāmne

    aur ā.īna na.e imkān meñ

    aks tere terī ḳhushbū tere rañg

    bas yahī kuchh hai mire sāmān meñ

    jism-o-jāñ ko taaza mausam mil ga.e

    jal gayā maiñ tere ātish-dān meñ

    jo sitāra parvarish paatā rahā

    vo milā hai pyaar ke ruj.hān meñ

    titliyāñ kamre ke andar aa ga.iiñ

    ek phuul aisā bhī thā gul-dān meñ

    āñdhiyoñ meñ bhī uḌātā hai mujhe

    kaun hai ye mere jism-o-jān meñ

    dhaḌkaneñ terī haiñ be-āvāz kyuuñ

    kyā nahīñ huuñ maiñ tire imkān meñ

    jab daraḳht añgnā.iyoñ ke kaT ga.e

    dhuup utar aa.ī hai har dālān meñ

    ajnabī ḳhvāboñ sūrat-gar huuñ maiñ

    aur maiñ gum huuñ tirī pahchān meñ

    jab bhi aata hai wo mere dhyan mein

    phul rakh jata hai roshan-dan mein

    ghar ke baam-o-dar nae lagne lage

    husn aisa tha mere mehman mein

    tera chehra aaine ke samne

    aur aaina nae imkan mein

    aks tere teri KHushbu tere rang

    bas yahi kuchh hai mere saman mein

    jism-o-jaan ko taza mausam mil gae

    jal gaya main tere aatish-dan mein

    jo sitara parwarish pata raha

    wo mila hai pyar ke rujhan mein

    titliyan kamre ke andar aa gain

    ek phul aisa bhi tha gul-dan mein

    aandhiyon mein bhi uData hai mujhe

    kaun hai ye mere jism-o-jaan mein

    dhaDkanen teri hain be-awaz kyun

    kya nahin hun main tere imkan mein

    jab daraKHt angnaiyon ke kaT gae

    dhup utar aai hai har dalan mein

    ajnabi KHwabon ka surat-gar hun main

    aur main gum hun teri pahchan mein

    Source:

    • Book : Pakistani Adab (Pg. 398)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY