aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jabin ki dhul jigar ki jalan chhupaega

Ehsan Danish

jabin ki dhul jigar ki jalan chhupaega

Ehsan Danish

MORE BYEhsan Danish

    jabīñ dhuul jigar jalan chhupā.egā

    shurū-e-ishq hai vo fitratan chhupā.egā

    damak rahā hai jo nas nas tishnagī se badan

    is aag ko na tirā pairahan chhupā.egā

    tirā ilaaj shifā-gāh-e-asr-e-nau meñ nahīñ

    ḳhirad ke ghaav dīvāna-pan chhupā.egā

    hisār-e-zabt hai abr-e-ravāñ parchhā.īñ

    malāl-e-rūh ko kab tak badan chhupā.egā

    nazar fard-e-amal se hai silsila darkār

    yaqīñ na kar ye siyāhī kafan chhupā.egā

    kise ḳhabar thī ki ye daur-e-ḳhud-ġharaz ik din

    junūñ se qīmat-e-dār-o-rasan chhupā.egā

    tirā ġhubār zamīñ par utarne vaalā hai

    kahāñ tak ab ye bagūla thakan chhupā.egā

    khulegā bād-e-nafas se jo ruḳh pe nīl-kañval

    use kahāñ tirā ujlā badan chhupā.egā

    tire kamāl ke dhabbe tire uruuj ke daaġh

    chhupā.egā to koī ahl-e-fan chhupā.egā

    jise hai faiz mirī ḳhānqāh se 'dānish'

    vo kis tarah mirā rañg-e-suḳhan chhupā.egā

    jabin ki dhul jigar ki jalan chhupaega

    shuru-e-ishq hai wo fitratan chhupaega

    damak raha hai jo nas nas ki tishnagi se badan

    is aag ko na tera pairahan chhupaega

    tera ilaj shifa-gah-e-asr-e-nau mein nahin

    KHirad ke ghaw tu diwana-pan chhupaega

    hisar-e-zabt hai abr-e-rawan ki parchhain

    malal-e-ruh ko kab tak badan chhupaega

    nazar ka fard-e-amal se hai silsila darkar

    yaqin na kar ye siyahi kafan chhupaega

    kise KHabar thi ki ye daur-e-KHud-gharaz ek din

    junun se qimat-e-dar-o-rasan chhupaega

    tera ghubar zamin par utarne wala hai

    kahan tak ab ye bagula thakan chhupaega

    khulega baad-e-nafas se jo ruKH pe nil-kanwal

    use kahan tera ujla badan chhupaega

    tere kamal ke dhabbe tere uruj ke dagh

    chhupaega to koi ahl-e-fan chhupaega

    jise hai faiz meri KHanqah se 'danish'

    wo kis tarah mera rang-e-suKHan chhupaega

    Source:

    Funoon(Jadeed Ghazal Number: Volume-002) (Pg. 59)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now