jaisi ab hai isi haalat mein nahin rah sakta

Zafar Iqbal

jaisi ab hai isi haalat mein nahin rah sakta

Zafar Iqbal

MORE BY Zafar Iqbal

    jaisī ab hai isī hālat meñ nahīñ rah saktā

    maiñ hamesha to mohabbat meñ nahīñ rah saktā

    khul ke ro bhī sakūñ aur hañs bhī sakūñ bhar ke

    abhī itnī bhī farāġhat meñ nahīñ rah saktā

    dil se bāhar nikal aanā mirī majbūrī hai

    maiñ to is shor-e-qayāmat meñ nahīñ rah saktā

    kuuch kar jaa.eñ jahāñ se mire dushman ai dost

    maiñ vahāñ bhī kisī sūrat meñ nahīñ rah saktā

    koī ḳhatra hai mujhe aur tarah ai dost

    maiñ jo ab terī hifāzat meñ nahīñ rah saktā

    chāhiye hai mujhe kuchh aur māhaul ki maiñ

    aur ab apnī rifāqat meñ nahīñ rah saktā

    kuchh bhī maiñ kartā-karātā to nahīñ huuñ lekin

    bāvajūd is ke farāġhat meñ nahīñ rah saktā

    shak mujhe yuuñ to ḳhayānat nahīñ hai koī

    maiñ kisī bhī amānat meñ nahīñ rah saktā

    vaise rahne ko to ḳhush-bāsh rahtā huuñ 'zafar'

    sach jo pūchheñ to haqīqat meñ nahīñ rah saktā

    jaisi ab hai isi haalat mein nahin rah sakta

    main hamesha to mohabbat mein nahin rah sakta

    khul ke ro bhi sakun aur hans bhi sakun ji bhar ke

    abhi itni bhi faraghat mein nahin rah sakta

    dil se bahar nikal aana meri majburi hai

    main to is shor-e-qayamat mein nahin rah sakta

    kuch kar jaen jahan se mere dushman ai dost

    main wahan bhi kisi surat mein nahin rah sakta

    koi KHatra hai mujhe aur tarah ka ai dost

    main jo ab teri hifazat mein nahin rah sakta

    chahiye hai mujhe kuchh aur hi mahaul ki main

    aur ab apni rifaqat mein nahin rah sakta

    kuchh bhi main karta-karaata to nahin hun lekin

    bawajud is ke faraghat mein nahin rah sakta

    shak mujhe yun to KHayanat ka nahin hai koi

    main kisi ki bhi amanat mein nahin rah sakta

    waise rahne ko to KHush-bash hi rahta hun 'zafar'

    sach jo puchhen to haqiqat mein nahin rah sakta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY