jalte hain aur hum sin jab mangte ho pyala

jalte haiñ aur ham siiñ jab māñgte ho pyāla

hote haiñ daaġh dil meñ juuñ juuñ kate ho lā lā

biksā hai tamām zālim tujh chashm kā dumbālā

laagā hai us ke dil meñ dekhā hai jin meñ bhālā

us shoḳh-e-sarv-qad kuuñ ham jānte the bholā

mil uuprī tarah siiñ kyā de gayā hai baalā

ai sard-mehr tujh siiñ ḳhūbāñ jahāñ ke kāñpe

ḳhurshīd thartharāyā aur maah dekh haalā

jab siiñ tire mulā.em gāloñ meñ dil dhañsā hai

narmī suuñ dil huā hai tab suuñ ruī kā gaalā

faujāñ siiñ baḌh chale juuñ yakkā koī sipāhī

yuuñ ḳhaal chhūT ḳhat señ mukh par rahe nirālā

kyūñkar paḌe na mere girye kā shor jag meñ

umDā hai mujh nayan siiñ añjhuvāñ ke saath naalā

jogī huā pe naatā lālach kā chhoḌtā nahīñ

kahtā hai sab kuuñ baabā japtā phire hai maalā

jhamkī dikhā nigah kī dil chhīn le chalī haiñ

ye kis tirī añkhiyoñ kuuñ sikhlā diyā chhinālā

ash.ār 'ābrū' ke rashk-e-guhar hue haiñ

dāġh-e-suḳhan siiñ us ko luulū huā hai laalā

jalte hain aur hum sin jab mangte ho pyala

hote hain dagh dil mein jun jun kate ho la la

biksa hai tamam zalim tujh chashm ka dumbaala

laga hai us ke dil mein dekha hai jin mein bhaala

us shoKH-e-sarw-qad kun hum jaante the bhola

mil upri tarah sin kya de gaya hai baala

ai sard-mehr tujh sin KHuban jahan ke kanpe

KHurshid thartharaya aur mah dekh haala

jab sin tere mulaem galon mein dil dhansa hai

narmi sun dil hua hai tab sun rui ka gala

faujaan sin baDh chale jun yakka koi sipahi

yun KHal chhuT KHat sen mukh par rahe nirala

kyunkar paDe na mere girye ka shor jag mein

umDa hai mujh nayan sin anjhuwan ke sath nala

jogi hua pe nata lalach ka chhoDta nahin

kahta hai sab kun baba japta phire hai mala

jhamki dikha nigah ki dil chhin le chali hain

ye kis teri ankhiyon kun sikhla diya chhinala

ashaar 'abru' ke rashk-e-guhar hue hain

dagh-e-suKHan sin us ko lulu hua hai lala