jang mein parwar-digar-e-shab ka kya qissa hua

jañg meñ parvar-digār-e-shab kā kyā qissā huā

lashkar-e-shab sub.h kī sarhad pe kyuuñ paspā huā

ik ajab sī pyaas maujoñ meñ sadā detī huī

maiñ samundar apnī hī dahlīz par bikhrā huā

kachchī dīvāreñ sadā-noshī meñ kitnī taaq thiiñ

pattharoñ meñ chīḳh kar dekhā to andāzā huā

kyā sadāoñ ko salīb-e-ḳhāmushī de dī ga.ī

yā junūñ ke ḳhvāb kī tābīr sannāTā huā

rafta rafta mausamoñ ke rañg yuuñ bikhre ki bas

hai mire andar koī zinda magar TuuTā huā

sabz hāthoñ kī lakīreñ zard māthe kī shikan

aur kyā detā mirī taqdīr kā likkhā huā

jang mein parwar-digar-e-shab ka kya qissa hua

lashkar-e-shab subh ki sarhad pe kyun paspa hua

ek ajab si pyas maujon mein sada deti hui

main samundar apni hi dahliz par bikhra hua

kachchi diwaren sada-noshi mein kitni taq thin

pattharon mein chiKH kar dekha to andaza hua

kya sadaon ko salib-e-KHamushi de di gai

ya junun ke KHwab ki tabir sannaTa hua

rafta rafta mausamon ke rang yun bikhre ki bas

hai mere andar koi zinda magar TuTa hua

sabz hathon ki lakiren zard mathe ki shikan

aur kya deta meri taqdir ka likkha hua