aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jang se jangal bana jangal se main nikla nahin

Afzaal Naveed

jang se jangal bana jangal se main nikla nahin

Afzaal Naveed

MORE BYAfzaal Naveed

    jañg se jañgal banā jañgal se maiñ niklā nahīñ

    ho gayā ojhal magar ojhal se maiñ niklā nahīñ

    da.avat-e-uftād rakkhī chhal se maiñ niklā nahīñ

    nikle bhī kas-bal magar kas-bal se maiñ niklā nahīñ

    dekhte rahnā tirā mas.hūr chhat par kar gayā

    is qadar bārish huī jal-thal se maiñ niklā nahīñ

    jaise to ho merī niiñd se lipTā huā

    jaise tere ḳhvāb ke maḳhmal se maiñ niklā nahīñ

    dekhne vāloñ ko shahr-e-ḳhvāb dikhtā huuñ maiñ

    jaise tere surma.ī bādal se maiñ niklā nahīñ

    dekh sūraj aa gayā sar par mujhe āvāz de

    phuul ab tak tirī koñpal se maiñ niklā nahīñ

    shab jo aiman raag meñ Duubī sahar thī bhairavī

    tevarī chaḌhtī rahī komal se maiñ niklā nahīñ

    terā pallū ek jhaTke se gayā go haath se

    aañch lipTī hai ki juuñ āñchal se maiñ niklā nahīñ

    apne markaz mahak chāroñ taraf bikhrā.ī hai

    phaḌphaḌā kar bhī tire sandal se maiñ niklā nahīñ

    tab.a pechīdgī shāyad mirī pahchān ho

    yuuñ na ho ho mustaqil jis bal se maiñ niklā nahīñ

    naam likkhā thā mirā maiñ ne to apnānā thā

    ek lamhe ke liye bhī pul se maiñ niklā nahīñ

    yuuñ lagā jaise kabhī maiñ dahr hissa na thā

    baat itnī hai ki bāhar kal se maiñ niklā nahīñ

    hausle jaise Dubo Daale haiñ is pardes ne

    rīchh niklā naddī se kambal se maiñ niklā nahīñ

    maiñ ne koī aatmā an-chāhī aane na

    kaise kah duuñ apnī daldal se maiñ niklā nahīñ

    is ke hote ek shab raushan huā jal par 'naved'

    chal diyā vo to kabhī jal se maiñ niklā nahīñ

    jang se jangal bana jangal se main nikla nahin

    ho gaya ojhal magar ojhal se main nikla nahin

    dawat-e-uftad rakkhi chhal se main nikla nahin

    nikle bhi kas-bal magar kas-bal se main nikla nahin

    dekhte rahna tera mashur chhat par kar gaya

    is qadar barish hui jal-thal se main nikla nahin

    jaise tu hi to ho meri nind se lipTa hua

    jaise tere KHwab ke maKHmal se main nikla nahin

    dekhne walon ko shahr-e-KHwab sa dikhta hun main

    jaise tere surmai baadal se main nikla nahin

    dekh suraj aa gaya sar par mujhe aawaz de

    phul sa ab tak teri konpal se main nikla nahin

    shab jo aiman rag mein Dubi sahar thi bhairawi

    tewari chaDhti rahi komal se main nikla nahin

    tera pallu ek jhaTke se gaya go hath se

    aanch lipTi hai ki jun aanchal se main nikla nahin

    apne markaz ki mahak chaaron taraf bikhrai hai

    phaDphaDa kar bhi tere sandal se main nikla nahin

    taba ki pechidgi shayad meri pahchan ho

    yun na ho ho mustaqil jis bal se main nikla nahin

    nam likkha tha mera main ne to apnana hi tha

    ek lamhe ke liye bhi pul se main nikla nahin

    yun laga jaise kabhi main dahr ka hissa na tha

    baat itni hai ki bahar kal se main nikla nahin

    hausle jaise Dubo Dale hain is pardes ne

    richh nikla naddi se kambal se main nikla nahin

    main ne koi aatma an-chahi aane hi na di

    kaise kah dun apni hi daldal se main nikla nahin

    is ke hote ek shab raushan hua jal par 'nawed'

    chal diya wo to kabhi ka jal se main nikla nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now