jidhar nigah uThi khinch gai nai diwar

Waheed Quraishi

jidhar nigah uThi khinch gai nai diwar

Waheed Quraishi

MORE BYWaheed Quraishi

    jidhar nigāh uThī khiñch ga.ī na.ī dīvār

    tilism-e-hosh-rubā meñ hai zindagī shumār

    har ek samt musallat hai ghor tārīkī

    bujhe bujhe nazar aa.e tamām shahr-o-dayār

    ye shahr jaise chuḌailoñ koī maskan ho

    zabāneñ guñg haiñ tarsāñ haiñ kūcha-o-bāzār

    ḳhud apnī zaat meñ ham is tarah muqayyad haiñ

    na dil meñ tāb-o-tavāñ hai na jur.at-e-iz.hār

    jo apne siine pe aksar sajā ke rakhte haiñ

    vo tamġha-hā-e-tahavvur to le ga.e aġhyār

    kamāl-e-nāz thā apnī zaraf-nigāhī par

    ajab ki paḌh na sake ham navishta-e-dīvār

    vo maulvī ki usūloñ ke pāsbāñ the kabhī

    vahī to bechte phirte haiñ jubba-o-dastār

    varūd-e-sher pe hadd-e-adab ke pahre haiñ

    jo sach kahoge to Thahroge ek din ġhaddār

    'vahīd' kār-e-siyāsat hai kār-e-be-kārāñ

    zabāñ ko rok lo qaa.em rahe adab vaqār

    jidhar nigah uThi khinch gai nai diwar

    tilism-e-hosh-ruba mein hai zindagi ka shumar

    har ek samt musallat hai ghor tariki

    bujhe bujhe nazar aae tamam shahr-o-dayar

    ye shahr jaise chuDailon ka koi maskan ho

    zabanen gung hain tarsan hain kucha-o-bazar

    KHud apni zat mein hum is tarah muqayyad hain

    na dil mein tab-o-tawan hai na jurat-e-izhaar

    jo apne sine pe aksar saja ke rakhte hain

    wo tamgha-ha-e-tahawwur to le gae aghyar

    kamal-e-naz tha apni zaraf-nigahi par

    ajab ki paDh na sake hum nawishta-e-diwar

    wo maulwi ki usulon ke pasban the kabhi

    wahi to bechte phirte hain jubba-o-dastar

    warud-e-sher pe hadd-e-adab ke pahre hain

    jo sach kahoge to Thahroge ek din ghaddar

    'wahid' kar-e-siyasat hai kar-e-be-karan

    zaban ko rok lo qaem rahe adab ka waqar

    Source :
    • Book : Mujalla Dastavez (Pg. 432)
    • Author : Aziz Nabeel
    • Publication : Edarah Dastavez (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY