jins-e-maKHlut hain aur apne hi aazar mein hain

jins-e-maḳhlūt haiñ aur apne hī āzār meñ haiñ

ham ki sarkār se bāhar haiñ na sarkār meñ haiñ

aab aate hī chamak uThte haiñ sab naqsh-o-nigār

ḳhaak meñ bhī vahī jauhar haiñ jo talvār meñ haiñ

sab faroshinda-e-hairat huuñ zarūrī to nahīñ

ham se be-zār bhī is raunaq-e-bāzār meñ haiñ

halqa-e-dil se na niklo ki sar-e-khūcha-e-ḳhāk

aish jitne haiñ isī kunj-e-kam-āsār meñ haiñ

ho chukā adl dukāñ band kar ai tājir-e-haq

ye sazā kam hai ki hāzir tire darbār meñ haiñ

jins-e-maKHlut hain aur apne hi aazar mein hain

hum ki sarkar se bahar hain na sarkar mein hain

aab aate hi chamak uThte hain sab naqsh-o-nigar

KHak mein bhi wahi jauhar hain jo talwar mein hain

sab faroshinda-e-hairat hun zaruri to nahin

hum se be-zar bhi is raunaq-e-bazar mein hain

halqa-e-dil se na niklo ki sar-e-khucha-e-KHak

aish jitne hain isi kunj-e-kam-asar mein hain

ho chuka adl dukan band kar ai tajir-e-haq

ye saza kam hai ki hazir tere darbar mein hain