jis ko pa kar hum ye samjhe the ki kuchh khoya nahin

jis ko pā kar ham ye samjhe the ki kuchh khoyā nahīñ

vo jo bachhḌā hai to jaise koī bhī apnā nahīñ

vo abhī shādāb hai jañgal ke phūloñ kī tarah

us ke chehre par ga.e mausam ne kuchh likkhā nahīñ

aaj se ik dūsre ko qatl karnā hai hameñ

tū mirā paikar nahīñ hai maiñ tirā saaya nahīñ

maiñ ne kaise pyāre pyāre log sauñpe the tujhe

ai ġham-e-jāñ ai ġham-e-jāñ ye mirī duniyā nahīñ

maiñ use kaise pukāroñ kis tarah āvāz duuñ

jis ko apnā kah na pā.ūñ aur begāna nahīñ

aa ki pahle ābloñ ke zaḳhm hī taaza kareñ

ai mire zauq-e-safar ab koī bhī sahrā nahīñ

ham-safar bhī thā magar izn-e-shanāsā.ī na thā

vo mire pahlū meñ thā aur maiñ ne pahchānā nahīñ

jis ko pa kar hum ye samjhe the ki kuchh khoya nahin

wo jo bachhDa hai to jaise koi bhi apna nahin

wo abhi shadab hai jangal ke phulon ki tarah

us ke chehre par gae mausam ne kuchh likkha nahin

aaj se ek dusre ko qatl karna hai hamein

tu mera paikar nahin hai main tera saya nahin

main ne kaise pyare pyare log saunpe the tujhe

ai gham-e-jaan ai gham-e-jaan ye meri duniya nahin

main use kaise pukaron kis tarah aawaz dun

jis ko apna kah na paun aur begana nahin

aa ki pahle aablon ke zaKHm hi taza karen

ai mere zauq-e-safar ab koi bhi sahra nahin

ham-safar bhi tha magar izn-e-shanasai na tha

wo mere pahlu mein tha aur main ne pahchana nahin