jism ke martaban mein kya hai
jism ke martabān meñ kyā hai
ruuh hai bas makān meñ kyā hai
ruuh kyā hai ḳhudā ko hai ma.alūm
apne vahm-o-gumān meñ kyā hai
ik junūñ hai jo saath chaltā hai
kashtī-o-bādbān meñ kyā hai
us ko merī anā se jhagḌā hai
varna merī zabān meñ kyā hai
be-gunāhoñ ke ḳhuuñ kā pyāsā tiir
aur us kī kamān meñ kyā hai
ek va.ada jo sab se sastā hai
aur dene ko daan meñ kyā hai
kuchh haqā.eq ke zinda paikar haiñ
lafz meñ kyā bayān meñ kyā hai
jism ke martaban mein kya hai
ruh hai bas makan mein kya hai
ruh kya hai KHuda ko hai malum
apne wahm-o-guman mein kya hai
ek junun hai jo sath chalta hai
kashti-o-baadban mein kya hai
us ko meri ana se jhagDa hai
warna meri zaban mein kya hai
be-gunahon ke KHun ka pyasa tir
aur us ki kaman mein kya hai
ek wada jo sab se sasta hai
aur dene ko dan mein kya hai
kuchh haqaeq ke zinda paikar hain
lafz mein kya bayan mein kya hai
Source:
Mata-e-Aainda (Pg. 17)
- Author: Abdussamad Tapish
-
- Edition: 2000
- Publisher: Abdussamad Tapish
- Year of Publication: 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
