aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jo bhi yakja hai bikharta nazar aata hai mujhe

Abrar Ahmad

jo bhi yakja hai bikharta nazar aata hai mujhe

Abrar Ahmad

MORE BYAbrar Ahmad

    jo bhī yakjā hai bikhartā nazar aatā hai mujhe

    jaane yuuñ hai bhī ki aisā nazar aatā hai mujhe

    chashm-e-vā meñ to vahī manzar-e-ḳhālī hai jo thā

    muuñd luuñ aañkh to kyā kyā nazar aatā hai mujhe

    mā.il-e-arz-e-tamannā hai na hai vaqf-e-malāl

    ai mire dil Thahartā nazar aatā hai mujhe

    pas-e-nazzāra koī ḳhvāb-e-gurezāñ na ho

    dekhne meñ to tamāshā nazar aatā hai mujhe

    bāñdh luuñ raḳht-e-safar lauT chalūñ ghar taraf

    tirī jānib se ishāra nazar aatā hai mujhe

    tujhe kyūñkar ho ye ma.alūm mire māh-e-tamām

    dāġh-e-dil kaise sitāra nazar aatā hai mujhe

    kashti-e-jāñ yahī ik-ādh bhañvar aur hai bas

    kahīñ nazdīk kināra nazar aatā hai mujhe

    dekhne dekhne meñ farq huā kartā hai

    tumhī batlāo ki kaisā nazar aatā hai mujhe

    jo bhi yakja hai bikharta nazar aata hai mujhe

    jaane yun hai bhi ki aisa nazar aata hai mujhe

    chashm-e-wa mein to wahi manzar-e-KHali hai jo tha

    mund lun aankh to kya kya nazar aata hai mujhe

    mail-e-arz-e-tamanna hai na hai waqf-e-malal

    ai mere dil tu Thaharta nazar aata hai mujhe

    pas-e-nazzara koi KHwab-e-gurezan hi na ho

    dekhne mein to tamasha nazar aata hai mujhe

    bandh lun raKHt-e-safar lauT chalun ghar ki taraf

    teri jaanib se ishaara nazar aata hai mujhe

    tujhe kyunkar ho ye malum mere mah-e-tamam

    dagh-e-dil kaise sitara nazar aata hai mujhe

    kashti-e-jaan yahi ik-adh bhanwar aur hai bas

    kahin nazdik kinara nazar aata hai mujhe

    dekhne dekhne mein farq hua karta hai

    tumhi batlao ki kaisa nazar aata hai mujhe

    Source:

    Gaflat ke barabar (Pg. 75)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now