jo hum aae to botal kyun alag pir-e-mughan rakh di

Riyaz Khairabadi

jo hum aae to botal kyun alag pir-e-mughan rakh di

Riyaz Khairabadi

MORE BYRiyaz Khairabadi

    jo ham aa.e to botal kyuuñ alag pīr-e-muġhāñ rakh

    purānī dostī bhī taaq par ai mehrbāñ rakh

    qafas meñ shāḳh-e-gul sayyād ne ai āsmāñ rakh

    banā kar shāḳh-e-gul haañ terī shāḳh-e-kahkashāñ rakh

    ye kaisī aag bhar kar jaam meñ pīr-e-muġhāñ rakh

    jo toḌī mehr-e-sāġhar se to kuchh uThā dhuāñ rakh

    zarā chheḌā jo us ne ho ga.ī aisī za-ḳhud-rafta

    ki sham-e-bazm ne gul-gīr ke lab par zabāñ rakh

    ḳhudā ke haath hai biknā na biknā mai ai saaqī

    barābar masjid-e-jāme ke ham ne ab dukāñ rakh

    chaman lutf aatā hai mujhe sayyād ke sadqe

    qafas meñ ke us ne aaj shāḳh-e-āshiyāñ rakh

    binā hai ek donoñ ka.aba ho ki but-ḳhāna

    uThā kar ḳhisht-e-ḳhum maiñ ne vahāñ rakh yahāñ rakh

    ye qais-o-kohkan ke se fasāne ban ga.e kitne

    kisī ne TukḌe TukḌe sab hamārī dāstāñ rakh

    ta.ayyun se munazzah shoḳhiyāñ haiñ us ke jalve

    hamārī vus.at-e-dil meñ banā-e-lā-makāñ rakh

    nazar muddat se thī ai shaiḳh jis par mai-faroshoñ

    vo dastār-e-fazīlat rahīn ham ne mehrbāñ rakh

    ye kyā thā jalva un dekhnā thā ham ko parde meñ

    lagā kar aañkh se ham ne jo tasvīr-e-butāñ rakh

    ye aalam hai 'riyāz' ek ek qatre ko tarastā huuñ

    haram meñ ab bharī botal ḳhudā jaane kahāñ rakh

    jo hum aae to botal kyun alag pir-e-mughan rakh di

    purani dosti bhi taq par ai mehrban rakh di

    qafas mein shaKH-e-gul sayyaad ne ai aasman rakh di

    bana kar shaKH-e-gul han teri shaKH-e-kahkashan rakh di

    ye kaisi aag bhar kar jam mein pir-e-mughan rakh di

    jo toDi mehr-e-saghar se to kuchh uTha dhuan rakh di

    zara chheDa jo us ne ho gai aisi za-KHud-rafta

    ki sham-e-bazm ne gul-gir ke lab par zaban rakh di

    KHuda ke hath hai bikna na bikna mai ka ai saqi

    barabar masjid-e-jame ke hum ne ab dukan rakh di

    chaman ka lutf aata hai mujhe sayyaad ke sadqe

    qafas mein la ke us ne aaj shaKH-e-ashiyan rakh di

    bina hai ek hi donon ki kaba ho ki but-KHana

    uTha kar KHisht-e-KHum main ne wahan rakh di yahan rakh di

    ye qais-o-kohkan ke se fasane ban gae kitne

    kisi ne TukDe TukDe sab hamari dastan rakh di

    tayyun se munazzah shoKHiyan hain us ke jalwe ki

    hamari wusat-e-dil mein bana-e-la-makan rakh di

    nazar muddat se thi ai shaiKH jis par mai-faroshon ki

    wo dastar-e-fazilat rahin hum ne mehrban rakh di

    ye kya tha jalwa un ka dekhna tha hum ko parde mein

    laga kar aankh se hum ne jo taswir-e-butan rakh di

    ye aalam hai 'riyaz' ek ek qatre ko tarasta hun

    haram mein ab bhari botal KHuda jaane kahan rakh di

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now