جو ابھرے وقت کے سانچے میں ڈھل کے
جو ابھرے وقت کے سانچے میں ڈھل کے
وہ ڈوبے ایک عالم کو بدل کے
غم منزل تجھے شاید خبر ہو
یہاں پہنچے ہیں کتنے کوس چل کے
اب ان کے پاس آنسو ہیں نہ آہیں
جو غم کی آگ سے نکلے ہیں جل کے
زمیں کی ایک ہی جنبش بہت ہے
زمیں سے آ ملیں گے یہ محل کے
ہمیں نے راستوں کی خاک چھانی
ہمیں آئے ہیں تیرے پاس چل کے
ان آنکھوں نے یہ ان ہونی بھی دیکھی
نسیم صبح گزری گل مسل کے
زمانہ کیوں تجھی پر مر رہا ہے
بہانے جب کہ لاکھوں ہیں اجل کے
تری گفتار پر عالم فدا ہے
تری باتوں میں تیور ہیں غزل کے
سحر ہونے کو ہے عارفؔ خدارا
گھڑی بھر سو رہو پہلو بدل کے
مأخذ:
Funoon(Jadeed Ghazal Number: Volume-002) (Pg. 183)
-
- اشاعت: 1969
- ناشر: احمد ندیم قاسمی
- سن اشاعت: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
