kaam har roz ye hota hai kis aasani se
kaam har roz ye hotā hai kis āsānī se
us ne phir mujh ko sameTā hai pareshānī se
mujh pe khultā hai tirī yaad kā jab bāb-e-tilism
tañg ho jaatā huuñ ehsās-e-farāvānī se
āḳhirash kaun hai jo ghūrtā rahtā hai mujhe
dekhtā rahtā huuñ ā.īne ko hairānī se
merī miTTī meñ koī aag sī lag jaatī hai
jo bhaḌaktī hai tire chhiḌke hue paanī se
thā mujhe zom ki mushkil se bañdhī hai mirī zaat
maiñ to khultā gayā us par baḌī āsānī se
kaam har roz ye hota hai kis aasani se
us ne phir mujh ko sameTa hai pareshani se
mujh pe khulta hai teri yaad ka jab bab-e-tilism
tang ho jata hun ehsas-e-farawani se
aaKHirash kaun hai jo ghurta rahta hai mujhe
dekhta rahta hun aaine ko hairani se
meri miTTi mein koi aag si lag jati hai
jo bhaDakti hai tere chhiDke hue pani se
tha mujhe zom ki mushkil se bandhi hai meri zat
main to khulta gaya us par baDi aasani se
Source:
Wahima Vajood Ka (Pg. 30)
- Author: Salim Saleem
-
- Edition: 2nd
- Publisher: Rekhta Publications
- Year of Publication: 2022
Source:
Sabhi Rang Tumhare Nikle (Pg. 32)
- Author: Salim Saleem
-
- Edition: First
- Publisher: Rekhta Publications
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
