kab se hum log is bhanwar mein hain
kab se ham log is bhañvar meñ haiñ
apne ghar meñ haiñ yā safar meñ haiñ
yuuñ to uḌne ko āsmāñ haiñ bahut
ham hī āshob-e-bāl-o-par meñ haiñ
zindagī ke tamām-tar raste
maut hī ke aziim Dar meñ haiñ
itne ḳhadshe nahīñ haiñ rastoñ meñ
jis qadar ḳhvāhish-e-safar meñ haiñ
siip aur jauharī ke sab rishte
sher aur sher ke hunar meñ haiñ
sāya-e-rāhat-e-shajar se nikal
kuchh uḌāneñ jo bāl-o-par meñ haiñ
aks be-naqsh ho ga.e 'amjad'
log phir ā.inoñ ke Dar meñ haiñ
kab se hum log is bhanwar mein hain
apne ghar mein hain ya safar mein hain
yun to uDne ko aasman hain bahut
hum hi aashob-e-baal-o-par mein hain
zindagi ke tamam-tar raste
maut hi ke azim Dar mein hain
itne KHadshe nahin hain raston mein
jis qadar KHwahish-e-safar mein hain
sip aur jauhari ke sab rishte
sher aur sher ke hunar mein hain
saya-e-rahat-e-shajar se nikal
kuchh uDanen jo baal-o-par mein hain
aks be-naqsh ho gae 'amjad'
log phir aainon ke Dar mein hain
Source:
Fishaar (Pg. 47)
- Author: Amjad Islam Amjad
-
- Edition: 2010
- Publisher: Fawaz Niyaaz
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
