kabhi to soch tere samne nahin guzre

kabhī to soch tire sāmne nahīñ guzre

vo sab samay jo tire dhyān se nahīñ guzre

ye aur baat ki huuñ un ke darmiyāñ maiñ bhī

ye vāqiye kisī taqrīb se nahīñ guzre

un ā.inoñ meñ jale haiñ hazār aks-e-adam

davām-e-dard tire ratjage nahīñ guzre

supurdagī meñ bhī ik ramz-e-ḳhud-nigah-dārī

vo mere dil se mire vāste nahīñ guzre

bikhartī lahroñ ke saath un dinoñ ke tinke bhī the

jo dil meñ bahte hue ruk ga.e nahīñ guzre

unheñ haqīqat-e-dariyā kī kyā ḳhabar 'amjad'

jo apnī ruuh kī mañjdhār se nahīñ guzre

kabhi to soch tere samne nahin guzre

wo sab samay jo tere dhyan se nahin guzre

ye aur baat ki hun un ke darmiyan main bhi

ye waqiye kisi taqrib se nahin guzre

un aainon mein jale hain hazar aks-e-adam

dawam-e-dard tere ratjage nahin guzre

supurdagi mein bhi ek ramz-e-KHud-nigah-dari

wo mere dil se mere waste nahin guzre

bikharti lahron ke sath un dinon ke tinke bhi the

jo dil mein bahte hue ruk gae nahin guzre

unhen haqiqat-e-dariya ki kya KHabar 'amjad'

jo apni ruh ki manjdhaar se nahin guzre