kabhi tujhse aisa bhi yarana tha

kabhī tujh se aisā bhī yārānā thā

musalle se uThnā gavārā na thā

yūñhī is taraf ham chale aa.e the

kisī ne bhī ham ko pukārā na thā

vo ik mauj thī sar uThātī huī

kaheñ kaise dil se kinārā na thā

chamak jis kī kal shab mazā de ga.ī

kahīñ aaj kī shab vo taarā na thā

bahut ḳhush hue ā.īna dekh kar

yahāñ koī saanī hamārā na thā

sahar ho rahī thī magar raat ne

libās-e-urūsī utārā na thā

kabhi tujh se aisa bhi yarana tha

musalle se uThna gawara na tha

yunhi is taraf hum chale aae the

kisi ne bhi hum ko pukara na tha

wo ek mauj thi sar uThati hui

kahen kaise dil se kinara na tha

chamak jis ki kal shab maza de gai

kahin aaj ki shab wo tara na tha

bahut KHush hue aaina dekh kar

yahan koi sani hamara na tha

sahar ho rahi thi magar raat ne

libas-e-urusi utara na tha