kahan kahan na tasawwur ne dam phailae

Hafeez Hoshiarpuri

kahan kahan na tasawwur ne dam phailae

Hafeez Hoshiarpuri

MORE BYHafeez Hoshiarpuri

    kahāñ kahāñ na tasavvur ne daam phailā.e

    hudūd-e-shām-o-sahr se nikal ke dekh aa.e

    nahīñ payām rah-e-nāma-o-payām hai

    abhī sabā se kaho un ke dil ko bahlā.e

    ġhurūr-e-jādā-shanāsī bajā sahī lekin

    surāġh-e-manzil-e-maqsūd bhī koī paa.e

    ḳhudā vo din na dikhā.e ki rāhbar ye kahe

    chale the jaane kahāñ se kahāñ nikal aa.e

    guzar gayā koī darmāñda-rāh ye kahtā

    ab is fazā meñ koī qāfile na Thahrā.e

    na jaane un ke muqaddar meñ kyuuñ hai tīra-shabī

    vo ham-navā jo sahar ko qarīb-tar laa.e

    koī fareb-e-nazar hai ki tābnāk fazā

    kise ḳhabar ki yahāñ kitne chāñd gahnā.e

    ġham-e-zamāna tirī zulmateñ kyā kam thiiñ

    ki baḌh chale haiñ ab un gesuoñ ke bhī saa.e

    bahut buland hai is se mirā maqām-e-ġhazal

    agarche maiñ ne mohabbat ke giit bhī gaa.e

    'hafīz' apnā muqaddar 'hafīz' apnā nasīb

    gire the phuul magar ham ne zaḳhm khaa.e

    kahan kahan na tasawwur ne dam phailae

    hudud-e-sham-o-sahr se nikal ke dekh aae

    nahin payam rah-e-nama-o-payam tu hai

    abhi saba se kaho un ke dil ko bahlae

    ghurur-e-jada-shanasi baja sahi lekin

    suragh-e-manzil-e-maqsud bhi koi pae

    KHuda wo din na dikhae ki rahbar ye kahe

    chale the jaane kahan se kahan nikal aae

    guzar gaya koi darmanda-rah ye kahta

    ab is faza mein koi qafile na Thahrae

    na jaane un ke muqaddar mein kyun hai tira-shabi

    wo ham-nawa jo sahar ko qarib-tar lae

    koi fareb-e-nazar hai ki tabnak faza

    kise KHabar ki yahan kitne chand gahnae

    gham-e-zamana teri zulmaten hi kya kam thin

    ki baDh chale hain ab un gesuon ke bhi sae

    bahut buland hai is se mera maqam-e-ghazal

    agarche main ne mohabbat ke git bhi gae

    'hafiz' apna muqaddar 'hafiz' apna nasib

    gire the phul magar hum ne zaKHm hi khae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY