aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kal raat kuchh ajib saman gham-kade mein tha

Ehsan Danish

kal raat kuchh ajib saman gham-kade mein tha

Ehsan Danish

MORE BYEhsan Danish

    kal raat kuchh ajiib samāñ ġham-kade meñ thā

    maiñ jis ko DhūñDhtā thā mire aa.ine meñ thā

    jis nigāh meñ thiiñ sitāroñ manzileñ

    vo mīr-e-kā.enāt usī qāfile meñ thā

    rahgīr sun rahe the ye kis jashn-e-nau shor

    kal raat merā zikr ye kis silsile meñ thā

    raqsāñ the riñd jaise bhañvar meñ shafaq ke phuul

    jo paañv paḌ rahā thā baḌe qā.ede meñ thā

    chhiḌkā jise 'adam ke samundar pe aap ne

    sahrā tamām ḳhaak ke us bulbule meñ thā

    mannat-guzār-e-ahl-e-havas ho sakā na dil

    haa.il mirā zamīr mire rāste meñ thā

    hai farz is atā-e-junūñ bhī shukriya

    lekin ye be-shumār karam kis sile meñ thā

    ab aa ke kah rahe ho ki rusvā.ī se Daro

    ye baal to kabhī mire aa.ine meñ thā

    suntā huuñ sar-nigūñ the farishte mire huzūr

    maiñ jaane apnī zaat ke kis marhale meñ thā

    haiñ sabt mere dil pe zamāne Thokareñ

    maiñ ek sang-e-rāh thā jis rāste meñ thā

    kuchh bhī na thā azal meñ ba-juz sho.ala-e-vajūd

    haañ duur tak 'adam dhuāñ hāshiye meñ thā

    maiñ ne jo apnā naam pukārā to hañs paḌā

    ye mujh kaun shaḳhs mire rāste meñ thā

    thī nuqta-e-nigāh tak āzādī-e-amal

    parkār tarah maiñ ravāñ dā.ere meñ thā

    zanjīr sadā thī na mauj-e-shamīm-e-zulf

    ye kyā tilism un ke mire fāsle meñ thā

    ab ruuh e'tirāf-e-badan se hai munharif

    ik ye bhī sañg-e-mīl mire rāste meñ thā

    'dānish' ka.ī nasheb-e-nazar se guzar ga.e

    har riñd aa.ine tarah mai-kade meñ thā

    kal raat kuchh ajib saman gham-kade mein tha

    main jis ko DhunDhta tha mere aaine mein tha

    jis ki nigah mein thin sitaron ki manzilen

    wo mir-e-kaenat usi qafile mein tha

    rahgir sun rahe the ye kis jashn-e-nau ka shor

    kal raat mera zikr ye kis silsile mein tha

    raqsan the rind jaise bhanwar mein shafaq ke phul

    jo panw paD raha tha baDe qaede mein tha

    chhiDka jise 'adam ke samundar pe aap ne

    sahra tamam KHak ke us bulbule mein tha

    mannat-guzar-e-ahl-e-hawas ho saka na dil

    hail mera zamir mere raste mein tha

    hai farz is ata-e-junun ka bhi shukriya

    lekin ye be-shumar karam kis sile mein tha

    ab aa ke kah rahe ho ki ruswai se Daro

    ye baal to kabhi ka mere aaine mein tha

    sunta hun sar-nigun the farishte mere huzur

    main jaane apni zat ke kis marhale mein tha

    hain sabt mere dil pe zamane ki Thokaren

    main ek sang-e-rah tha jis raste mein tha

    kuchh bhi na tha azal mein ba-juz shoala-e-wajud

    han dur tak 'adam ka dhuan hashiye mein tha

    main ne jo apna nam pukara to hans paDa

    ye mujh sa kaun shaKHs mere raste mein tha

    thi nuqta-e-nigah tak aazadi-e-amal

    parkar ki tarah main rawan daere mein tha

    zanjir ki sada thi na mauj-e-shamim-e-zulf

    ye kya tilism un ke mere fasle mein tha

    ab ruh e'tiraf-e-badan se hai munharif

    ek ye bhi sang-e-mil mere raste mein tha

    'danish' kai nasheb-e-nazar se guzar gae

    har rind aaine ki tarah mai-kade mein tha

    Source:

    Funoon(Jadeed Ghazal Number: Volume-002) (Pg. 55)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now