karam ke bab mein apnon se ibtida kiya kar

karam ke baab meñ apnoñ se ibtidā kiyā kar

zarā sī baat pe dil ko na yuuñ burā kiyā kar

namāz-e-ishq hai TuuTe diloñ kī dildārī

mire aziiz na is ko kabhī qazā kiyā kar

ujāle ke liye hai chashm o dil kā ā.īna

bapā kabhī kisī mazlūm kī azā kiyā kar

ba-nām-e-maz.hab-o-millat ye ḳhuuñ bahānā kyā

harī harī vo kareñ tū ḳhudā ḳhudā kiyā kar

bajā sahī ye hayā aur ye ehtiyāt magar

kabhī kabhī to mohabbat meñ hausla kiyā kar

nazar meñ rakh mire iz.hār kī zarūrat ko

kabhī to nuun kā elaan bhī ravā kiyā kar

vo aib Dhaktā hai tere sabhī majīd-'aḳhtar'

so tū bhī darguzar ahbāb kī ḳhatā kiyā kar

karam ke bab mein apnon se ibtida kiya kar

zara si baat pe dil ko na yun bura kiya kar

namaz-e-ishq hai TuTe dilon ki dildari

mere aziz na is ko kabhi qaza kiya kar

ujale ke liye hai chashm o dil ka aaina

bapa kabhi kisi mazlum ki aza kiya kar

ba-nam-e-mazhab-o-millat ye KHun bahana kya

hari hari wo karen tu KHuda KHuda kiya kar

baja sahi ye haya aur ye ehtiyat magar

kabhi kabhi to mohabbat mein hausla kiya kar

nazar mein rakh mere izhaar ki zarurat ko

kabhi to nun ka elan bhi rawa kiya kar

wo aib Dhakta hai tere sabhi majid-'aKHtar'

so tu bhi darguzar ahbab ki KHata kiya kar