kas kar bandhi gai ragon mein dil ki girah to Dhili hai
kas kar bāñdhī ga.ī ragoñ meñ dil kī girah to Dhīlī hai
us ko dekh ke jī bhar aanā kitnī baḌī tabdīlī hai
zinda rahne kī ḳhvāhish meñ dam dam lau de uThtā huuñ
mujh meñ saañs ragaḌ khātī hai yā māchis kī tiilī hai
un āñkhoñ meñ kūdne vaalo tum ko itnā dhyān rahe
vo jhīleñ pāyāb haiñ lekin un kī tah pathrīlī hai
kitnī sadiyāñ sūraj chamkā kitne dozaḳh aag jalī
mujhe banāne vaale merī miTTī ab tak giilī hai
zinda huuñ to mujhe batā.eñ niile hoñToñ vaale log
merā kaisā rañg karegī baat jo maiñ ne pī lī hai
mumkin hai ab vaqt kī chādar par maiñ karūñ rafū kā kaam
juute maiñ ne gāñTh liye haiñ gudḌī maiñ ne sī lī hai
kas kar bandhi gai ragon mein dil ki girah to Dhili hai
us ko dekh ke ji bhar aana kitni baDi tabdili hai
zinda rahne ki KHwahish mein dam dam lau de uThta hun
mujh mein sans ragaD khati hai ya machis ki tili hai
un aankhon mein kudne walo tum ko itna dhyan rahe
wo jhilen payab hain lekin un ki tah pathrili hai
kitni sadiyan suraj chamka kitne dozaKH aag jali
mujhe banane wale meri miTTi ab tak gili hai
zinda hun to mujhe bataen nile honTon wale log
mera kaisa rang karegi baat jo main ne pi li hai
mumkin hai ab waqt ki chadar par main karun rafu ka kaam
jute main ne ganTh liye hain gudDi main ne si li hai
Source:
Ishq Abaad (kulliyat) (Pg. 411)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
