aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHak o KHun ki nai tanzim mein shamil ho jao

Farhat Ehsas

KHak o KHun ki nai tanzim mein shamil ho jao

Farhat Ehsas

MORE BYFarhat Ehsas

    ḳhaak o ḳhuuñ na.ī tanzīm meñ shāmil ho jaao

    zinda rahnā ho tumheñ bhī to mirā dil ho jaao

    be-badan ruuh bane phirte rahoge kab tak

    jaao chupke se kisī jism meñ dāḳhil ho jaao

    shahr tum ko jo pareshān bahut kartā hai

    dasht ban jaao aur is shahr pe nāzil ho jaao

    nāḳhun-e-ishq se phir sahl banā leñge tumheñ

    sohbat-e-shahr meñ tum kitne mushkil ho jaao

    be-natīja rahegā ye musalsal Takrāo

    to duniyā ke bano mutabādil ho jaao

    haq-parastī bhī ajab kār-e-mohabbat hai jahāñ

    ik qadam had se guzar jaao to bātil ho jaao

    'farhat-ehsās' Thahar jaao ye ujlat kaisī

    abhī kuchh aur bhī ho lo kisī qābil ho jaao

    KHak o KHun ki nai tanzim mein shamil ho jao

    zinda rahna ho tumhein bhi to mera dil ho jao

    be-badan ruh bane phirte rahoge kab tak

    jao chupke se kisi jism mein daKHil ho jao

    shahr tum ko jo pareshan bahut karta hai

    dasht ban jao aur is shahr pe nazil ho jao

    naKHun-e-ishq se phir sahl bana lenge tumhein

    sohbat-e-shahr mein tum kitne hi mushkil ho jao

    be-natija hi rahega ye musalsal Takrao

    ya to duniya ke bano ya mutabaadil ho jao

    haq-parasti bhi ajab kar-e-mohabbat hai jahan

    ek qadam had se guzar jao to baatil ho jao

    'farhat-ehsas' Thahar jao ye ujlat kaisi

    abhi kuchh aur bhi ho lo kisi qabil ho jao

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now