KHamoshi bol uTThe har nazar paigham ho jae
ḳhamoshī bol uTThe har nazar paiġhām ho jaa.e
ye sannāTā agar had se baḌhe kohrām ho jaa.e
sitāre mish.aleñ le kar mujhe bhī DhūñDne nikleñ
maiñ rasta bhuul jā.ūñ jañgaloñ meñ shaam ho jaa.e
maiñ vo ādam-gazīda huuñ jo tanhā.ī ke sahrā meñ
ḳhud apnī chaap sun kar larza-bar-andām ho jaa.e
misāl aisī hai is daur-e-ḳhirad ke hosh-mandoñ kī
na ho dāman meñ zarra aur sahrā naam ho jaa.e
'shakeb' apne ta.āruf ke liye ye baat kaafī hai
ham us se bach ke chalte haiñ jo rasta aam ho jaa.e
KHamoshi bol uTThe har nazar paigham ho jae
ye sannaTa agar had se baDhe kohram ho jae
sitare mishalen le kar mujhe bhi DhunDne niklen
main rasta bhul jaun jangalon mein sham ho jae
main wo aadam-gazida hun jo tanhai ke sahra mein
KHud apni chap sun kar larza-bar-andam ho jae
misal aisi hai is daur-e-KHirad ke hosh-mandon ki
na ho daman mein zarra aur sahra nam ho jae
'shakeb' apne taaruf ke liye ye baat kafi hai
hum us se bach ke chalte hain jo rasta aam ho jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
