KHol ke andar simaT kar rah gaya main
Interesting Fact
1984
ḳhol ke andar simaT kar rah gayā maiñ
apne saa.e se bhī kaT kar rah gayā maiñ
le gayā vo chhīn kar merī javānī
us pe bas yūñhī jhapaT kar rah gayā maiñ
jab kabhī niklā julūs-e-rañg-o-nik.hat
TuuTī dīvāroñ se saT kar rah gayā maiñ
chal rahā thā vo mire shāna-ba-shāna
ḳhud hī us se duur haT kar rah gayā maiñ
us ne muTThī-bhar mujhe ūñchā kiyā jab
aur bhī ik haath ghaT kar rah gayā maiñ
chaah thī ghul jā.ūñ saare manzaroñ meñ
haif kuchh logoñ meñ baT kar rah gayā maiñ
bārhā aisā huā mahsūs jaise
āsmānoñ se lipaT kar rah gayā maiñ
KHol ke andar simaT kar rah gaya main
apne sae se bhi kaT kar rah gaya main
le gaya wo chhin kar meri jawani
us pe bas yunhi jhapaT kar rah gaya main
jab kabhi nikla julus-e-rang-o-nikhat
TuTi diwaron se saT kar rah gaya main
chal raha tha wo mere shana-ba-shana
KHud hi us se dur haT kar rah gaya main
us ne muTThi-bhar mujhe uncha kiya jab
aur bhi ek hath ghaT kar rah gaya main
chah thi ghul jaun sare manzaron mein
haif kuchh logon mein baT kar rah gaya main
barha aisa hua mahsus jaise
aasmanon se lipaT kar rah gaya main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
