aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHuddariyon ke KHun ko arzan na kar sake

Sahir Ludhianvi

KHuddariyon ke KHun ko arzan na kar sake

Sahir Ludhianvi

MORE BYSahir Ludhianvi

    ḳhuddāriyoñ ke ḳhuun ko arzāñ na kar sake

    ham apne jauharoñ ko numāyāñ na kar sake

    ho kar ḳharāb-e-mai tire ġham to bhulā diye

    lekin ġham-e-hayāt darmāñ na kar sake

    TuuTā tilism-e-ahd-e-mohabbat kuchh is tarah

    phir aarzū sham.a firozāñ na kar sake

    har shai qarīb aa ke kashish apnī kho ga.ī

    vo bhī ilāj-e-shauq-e-gurezāñ na kar sake

    kis darja dil-shikan the mohabbat ke hādse

    ham zindagī meñ phir koī armāñ na kar sake

    māyūsiyoñ ne chhīn liye dil ke valvale

    vo bhī nashāt-e-rūh sāmāñ na kar sake

    KHuddariyon ke KHun ko arzan na kar sake

    hum apne jauharon ko numayan na kar sake

    ho kar KHarab-e-mai tere gham to bhula diye

    lekin gham-e-hayat ka darman na kar sake

    TuTa tilism-e-ahd-e-mohabbat kuchh is tarah

    phir aarzu ki shama firozan na kar sake

    har shai qarib aa ke kashish apni kho gai

    wo bhi ilaj-e-shauq-e-gurezan na kar sake

    kis darja dil-shikan the mohabbat ke hadse

    hum zindagi mein phir koi arman na kar sake

    mayusiyon ne chhin liye dil ke walwale

    wo bhi nashat-e-ruh ka saman na kar sake

    Source:

    Kulliyat-e-Sahir (Pg. 36)

    • Author: Sahir Ludhyanwi
      • Publisher: Farid Book Depot (pvt.) Ltd. New Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now