KHwahish-e-taKHt na ab dirham-o-dinar ki gunj

Saleem Siddiqui

KHwahish-e-taKHt na ab dirham-o-dinar ki gunj

Saleem Siddiqui

MORE BYSaleem Siddiqui

    ḳhvāhish-e-taḳht na ab dirham-o-dīnār guuñj

    vādī-e-chashm meñ hai hasrat-e-dīdār guuñj

    zaḳhm-dar-zaḳhm suḳhan aur bhī hotā hai vasī.a

    ashk-dar-ashk ubhartī hai qalamkār guuñj

    kaash merī bhī samā.at ko Thikāna de de

    dasht-e-mahshar meñ tire sāya-e-dīvār guuñj

    āhaTeñ bhī nahīñ karte mire a.amāl kabhī

    ek āvāz nihāñ hai mire kirdār guuñj

    jab bahut ġhaur kiyā hai to sunā.ī hai

    muflis-e-shahr chup meñ kisī zardār guuñj

    jis ne sūkhī huī miTī se banā.e kuuze

    shahr-e-zamzam se uThī hai usī fankār guuñj

    ek muddat se bhaTaktī huī phirtī hai 'salīm'

    kūcha-e-dil meñ mohabbat ke talab-gār guuñj

    KHwahish-e-taKHt na ab dirham-o-dinar ki gunj

    wadi-e-chashm mein hai hasrat-e-didar ki gunj

    zaKHm-dar-zaKHm suKHan aur bhi hota hai wasia

    ashk-dar-ashk ubharti hai qalamkar ki gunj

    kash meri bhi samaat ko Thikana de de

    dasht-e-mahshar mein tere saya-e-diwar ki gunj

    aahaTen bhi nahin karte mere aamal kabhi

    ek aawaz nihan hai mere kirdar ki gunj

    jab bahut ghaur kiya hai to sunai di hai

    muflis-e-shahr ki chup mein kisi zardar ki gunj

    jis ne sukhi hui miTi se banae kuze

    shahr-e-zamzam se uThi hai usi fankar ki gunj

    ek muddat se bhaTakti hui phirti hai 'salim'

    kucha-e-dil mein mohabbat ke talab-gar ki gunj

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY