kis se ahwal kahun apna main ai yar ki tu

kis se ahvāl kahūñ apnā maiñ ai yaar ki tū

mil ke aġhyār se mujh se hai bezār ki tū

na merī baat ko pūchhe hai na dekhe hai idhar

ek din ye na kiyā āshiq-e-bīmār ki tū

kis tarah se hai batā hāl-e-dil ġhamīñ kuchh to

kyuuñ mai-e-ġham se hai is tarah se sarshār ki tū

roz bā-dīda-tar ḳhaak basar phirtā hai

na rahā shahr meñ ik kūcha-o-bāzār ki tū

vahāñ haiñ jā ke jatātā hai ye musībat apnī

aaj tak kul haiñ dil ko tere zinhār ki tū

saḳht bekal hai nikal kūcha-e-ġham se ab to

is qadr kab hai aziyyat kā sazā-vār ki tū

yūñhī fariyād-kunāñ na.ara-zanān ḳhaak basar hai

ik shab ā.ī.yo mere pas-e-dīvār ki tū

chaah meñ terī hī Duubā hai kuñ.eñ meñ ġham ke

juuñ zuleḳhā haiñ yūsuf kā talabgār ki tū

merā ehsān hai merā āshiq-e-sādiq hai sanam

jabki ye bhī na ho maiñ paḌhūñ ash’ār ki tū

kis se ahwal kahun apna main ai yar ki tu

mil ke aghyar se mujh se hai bezar ki tu

na meri baat ko puchhe hai na dekhe hai idhar

ek din ye na kiya aashiq-e-bimar ki tu

kis tarah se hai bata haal-e-dil ghamin kuchh to

kyun mai-e-gham se hai is tarah se sarshaar ki tu

roz ba-dida-tar KHak basar phirta hai

na raha shahr mein ek kucha-o-bazar ki tu

wahan hain ja ke jatata hai ye musibat apni

aaj tak kul hain dil ko tere zinhaar ki tu

saKHt bekal hai nikal kucha-e-gham se ab to

is qadr kab hai aziyyat ka saza-war ki tu

yunhi fariyaad-kunan nara-zanan KHak basar hai

ek shab aaiyo mere pas-e-diwar ki tu

chah mein teri hi Duba hai kunen mein gham ke

jun zuleKHa hain yusuf ka talabgar ki tu

mera ehsan hai mera aashiq-e-sadiq hai sanam

jabki ye bhi na ho main paDhun ash’ar ki tu