aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kisi bekas ko ai bedad gar mara to kya mara

Shaikh Ibrahim Zauq

kisi bekas ko ai bedad gar mara to kya mara

Shaikh Ibrahim Zauq

MORE BYShaikh Ibrahim Zauq

    kisī bekas ko ai bedād gar maarā to kyā maarā

    jo aaphī mar rahā ho us ko gar maarā to kyā maarā

    na maarā aap ko jo ḳhaak ho iksīr ban jaatā

    agar paare ko ai iksīr gar maarā to kyā maarā

    baḌe muuzī ko maarā nafs-e-ammāra ko gar maarā

    nahañg o azhdahā o sher-e-nar maarā to kyā maarā

    ḳhatā to dil thī qābil bahut maar khāne ke

    tirī zulfoñ ne mushkīñ bāñdh kar maarā to kyā maarā

    nahīñ vo qaul sachchā hamesha qaul de de kar

    jo us ne haath mere haath par maarā to kyā maarā

    tufañg o tiir to zāhir na thā kuchh paas qātil ke

    ilāhī us ne dil ko taak kar maarā to kyā maarā

    hañsī ke saath yaañ ronā hai misl-e-qulqul-e-mīnā

    kisī ne qahqaha ai be-ḳhabar maarā to kyā maarā

    mire aañsū hamesha haiñ ba-rañg-e-lāl-e-ġharq-e-ḳhūñ

    jo ġhota aab meñ ne guhar maarā to kyā maarā

    jigar dil donoñ pahlū meñ haiñ zaḳhmī us ne kyā jaane

    idhar maarā to kyā maarā udhar maarā to kyā maarā

    gayā shaitān maarā ek sajda ke na karne meñ

    agar lākhoñ baras sajde meñ sar maarā to kyā maarā

    dil-e-sangīn-e-ḳhusrau par bhī zarb ai kohkan pahuñchī

    agar tesha sar-e-kohsār par maarā to kyā maarā

    dil-e-bad-ḳhvāh meñ thā mārnā chashm-e-bad-bīñ meñ

    falak par 'zauq' tīr-e-āh gar maarā to kyā maarā

    kisi bekas ko ai bedad gar mara to kya mara

    jo aaphi mar raha ho us ko gar mara to kya mara

    na mara aap ko jo KHak ho iksir ban jata

    agar pare ko ai iksir gar mara to kya mara

    baDe muzi ko mara nafs-e-ammara ko gar mara

    nahang o azhdaha o sher-e-nar mara to kya mara

    KHata to dil ki thi qabil bahut si mar khane ke

    teri zulfon ne mushkin bandh kar mara to kya mara

    nahin wo qaul ka sachcha hamesha qaul de de kar

    jo us ne hath mere hath par mara to kya mara

    tufang o tir to zahir na tha kuchh pas qatil ke

    ilahi us ne dil ko tak kar mara to kya mara

    hansi ke sath yan rona hai misl-e-qulqul-e-mina

    kisi ne qahqaha ai be-KHabar mara to kya mara

    mere aansu hamesha hain ba-rang-e-lal-e-gharq-e-KHun

    jo ghota aab mein tu ne guhar mara to kya mara

    jigar dil donon pahlu mein hain zaKHmi us ne kya jaane

    idhar mara to kya mara udhar mara to kya mara

    gaya shaitan mara ek sajda ke na karne mein

    agar lakhon baras sajde mein sar mara to kya mara

    dil-e-sangin-e-KHusrau par bhi zarb ai kohkan pahunchi

    agar tesha sar-e-kohsar par mara to kya mara

    dil-e-bad-KHwah mein tha marna ya chashm-e-bad-bin mein

    falak par 'zauq' tir-e-ah gar mara to kya mara

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now