kisi ka chehra kisi par saja nahin deta

kisī kā chehra kisī par sajā nahīñ detā

kabhī fareb koī aa.ina nahīñ detā

hasad kā rañg pasandīda rañg hai sab kā

yahāñ kisī ko koī ab duā nahīñ detā

ik e'timād thā baaqī so uTh gayā vo bhī

ki bhaa.ī bhaa.ī ke ghar kā patā nahīñ detā

bujhā.e jab se hamāre charāg logoñ ne

koī daraḳht hameñ ab havā nahīñ detā

hameñ ḳhudā pe bharosa hai nā-ḳhudā pe nahīñ

ḳhudā jo detā hai vo nā-ḳhudā nahīñ detā

kisi ka chehra kisi par saja nahin deta

kabhi fareb koi aaina nahin deta

hasad ka rang pasandida rang hai sab ka

yahan kisi ko koi ab dua nahin deta

ek e'timad tha baqi so uTh gaya wo bhi

ki bhai bhai ke ghar ka pata nahin deta

bujhae jab se hamare charag logon ne

koi daraKHt hamein ab hawa nahin deta

hamein KHuda pe bharosa hai na-KHuda pe nahin

KHuda jo deta hai wo na-KHuda nahin deta