kisi taur ho na pinhan tera rang-e-ru-siyahi

Sabir Zafar

kisi taur ho na pinhan tera rang-e-ru-siyahi

Sabir Zafar

MORE BYSabir Zafar

    kisī taur ho na pinhāñ tirā rañg-e-rū-siyāhī

    vo sab āñkheñ bujh chukī haiñ ki jo deñ mirī gavāhī

    ho nasīb har kisī ko kahāñ manzil-e-mohabbat

    ki ujaḌtī jaa.eñ rāheñ ki bikharte jaa.eñ raahī

    tire nuur par fidā huuñ magar is qadar fidā huuñ

    mujhe dekh na paa.e ye jahāñ kam-nigāhī

    maiñ jo aah bhar rahā huuñ tujhe yaad kar rahā huuñ

    ki tire baġhair maiñ ne kabhī zindagī na chāhī

    koī yaad ham-nafas ho jo mire liye qafas ho

    ki azal se jis tarah hai ye jahān-e-āb-o-māhī

    yahī zindagī gulistāñ yahī zindagī hai zindāñ

    isī zindagī se maiñ ne yūñhī dostī nibāhī

    sar-e-shām luT chukā huuñ sar-e-ām luT chukā huuñ

    ki Dakait ban chuke haiñ ka.ī shahr ke sipāhī

    kisi taur ho na pinhan tera rang-e-ru-siyahi

    wo sab aankhen bujh chuki hain ki jo den meri gawahi

    ho nasib har kisi ko kahan manzil-e-mohabbat

    ki ujaDti jaen rahen ki bikharte jaen rahi

    tere nur par fida hun magar is qadar fida hun

    mujhe dekh hi na pae ye jahan ki kam-nigahi

    main jo aah bhar raha hun tujhe yaad kar raha hun

    ki tere baghair main ne kabhi zindagi na chahi

    koi yaad ham-nafas ho jo mere liye qafas ho

    ki azal se jis tarah hai ye jahan-e-ab-o-mahi

    yahi zindagi gulistan yahi zindagi hai zindan

    isi zindagi se main ne yunhi dosti nibahi

    sar-e-sham luT chuka hun sar-e-am luT chuka hun

    ki Dakait ban chuke hain kai shahr ke sipahi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY