kuchh aarzi ujale bachae hue hain log

Azhar Inayati

kuchh aarzi ujale bachae hue hain log

Azhar Inayati

MORE BYAzhar Inayati

    kuchh aarzī ujāle bachā.e hue haiñ log

    muTThī meñ jugnuoñ ko chhupā.e hue haiñ log

    us shaḳhs ko to qatl hue der ho ga.ī

    ab kis liye ye bhiiḌ lagā.e hue haiñ log

    barsoñ purāne dard na aTkheliyāñ kareñ

    ab to na.e ġhamoñ ke satā.e hue haiñ log

    āñkheñ ujaḌ chukī haiñ magar rañg rañg ke

    ḳhvāboñ ab bhī fasl lagā.e hue haiñ log

    kyā rah gayā hai shahr meñ khañDarāt ke sivā

    kyā dekhne ko ab yahāñ aa.e hue haiñ log

    kuchh din se be-dimāġhi-e-'az.har' hai rañg par

    bastī meñ us ko 'mīr' banā.e hue haiñ log

    kuchh aarzi ujale bachae hue hain log

    muTThi mein jugnuon ko chhupae hue hain log

    us shaKHs ko to qatl hue der ho gai

    ab kis liye ye bhiD lagae hue hain log

    barson purane dard na aTkheliyan karen

    ab to nae ghamon ke satae hue hain log

    aankhen ujaD chuki hain magar rang rang ke

    KHwabon ki ab bhi fasl lagae hue hain log

    kya rah gaya hai shahr mein khanDaraat ke siwa

    kya dekhne ko ab yahan aae hue hain log

    kuchh din se be-dimaghi-e-'azhar' hai rang par

    basti mein us ko 'mir' banae hue hain log

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY