کچھ غم جاناں کچھ غم دوراں دونوں میری ذات کے نام
کچھ غم جاناں کچھ غم دوراں دونوں میری ذات کے نام
ملک زادہ منظور احمد
MORE BYملک زادہ منظور احمد
کچھ غم جاناں کچھ غم دوراں دونوں میری ذات کے نام
ایک غزل منسوب ہے اس سے ایک غزل حالات کے نام
موج بلا دیوار شہر پہ اب تک جو کچھ لکھتی رہی
میری کتاب زیست کو پڑھیے درج ہیں سب صدمات کے نام
گرتے خیمے جلتی طنابیں آگ کا دریا خون کی نہر
ایسے منظم منصوبوں کو دوں کیسے آفات کے نام
اس کی گلی سے مقتل جاں تک مسجد سے مے خانے تک
الجھن پیاس خلش تنہائی کرب زدہ لمحات کے نام
صحرا زنداں طوق سلاسل آتش زہر اور دار و رسن
کیا کیا ہم نے دے رکھے ہیں آپ کے احسانات کے نام
روشن چہرہ بھیگی زلفیں دوں کس کو کس پر ترجیح
ایک قصیدہ دھوپ کا لکھوں ایک غزل برسات کے نام
جن کے لیے مر مر کے جئے ہم کیا پایا ان سے منظورؔ
کچھ رسوائی کچھ بدنامی ہم کو ملی سوغات کے نام
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
